İnvestor və istehsalçıların Naxçıvan və Şərqi Zəngəzura səfəri təşkil olunur

İnvestor və istehsalçıların Naxçıvan və Şərqi Zəngəzura səfəri təşkil olunur

Azərbaycan Françayzinq Assosiasiyası tərəfindən 25-29 yanvar 2024-cü il tarixlərində 30 nəfər xarici və yerli istehsalçı və investorun iştirakı ilə Naxçıvan Muxtar Respublikası və Şərqi Zəngəzur iqtisadi rayonuna səfər təşkil olunacaqdır.

Bu barədə Azərbaycan Françayzinq Assosiasiyası İctimai Birliyi (AFA) məlumat yayıb.

VTB-də minimal faiz dərəcəsi ilə nağd kredit 10.49%-dən

Qeyd edilib ki, səfər çərçivəsində istehsalçı və investorların azad iqtisadi zonalara baxışı, yerində müşahidələri və potensial istehsal müəssisələrinin qurulması imkanlarının araşdırılması nəzərdə tutulub və müvafiq icra hakimiyyəti orqanları ilə müzakirələr aparılacaqdır.

Bildirilib ki, Çinin "Energy China", Türkiyənin "İhlas Holding", "Özgün İnşaat", "Suiş Proje" kimi şirkətləri ölkəmizdə olan investisiya imkanları, yaşıl enerji potensialı, inşaat layihələri, mədənçilik və yeni istehsal müəssisələrinin qurulması kimi sahələr maraqlanırlar.

Səfərin əsas hədəfi ölkəyə investisiyaların cəlbi və assosiasiyanın vasitəçiliyi ilə bölgələrdə yeni istehsal müəssisələrinin qurulmasına vəsilə olmaqdır.

AFA əsas məqsədi ölkəmizdə françayzinq münasibətlərinin inkişafı olan, 30 iyun 2022-ci il tarixində Azərbaycan Respublikasının qanunvericiliyinə uyğun olaraq qeydiyyata alınmış və öz nizamnaməsi əsasında fəaliyyət göstərən qeyri hökumət təşkilatıdır.

AFA-nın əsas fəaliyyət istiqamətləri sırasına ölkəmizdə françayzinq münasibətlərini inkişaf etdirmək, bu münasibət iştirakçılarının hüquqlarını və qanuni mənafelərini müdafiə etmək, onlar arasında şəbəkələşməni təmin etmək, françayzinq mexanizmi vasitəsilə milli brendlərin yaradılmasına, mövcud brendlərin təkmilləşdirilməsi və təşviqinə dəstək vermək, iqtisadiyyatımızın inkişaf etdirilməsinə töhfə vermək daxildir.

24.01.2024 11:57