Dövlət satınalmalarının vahid internet portalından istifadə üçün ödənilən istifadə haqqının və təklifləri təqdim etmək üçün ödənilən iştirak haqqının məbləğləri, ödənilməsi, geri qaytarılması, ödənilmiş vəsaitlərin bölgüsü və onlardan istifadə qaydaları müəyyən edilib.

Marja.az xəbər verir ki, bu barədə Nazirlər Kabineti qərar qəbul edib.

Portaldan istifadə üçün ödənilən istifadə haqqının məbləği

“Dövlət satınalmaları haqqında” Qanunun  28.1-ci maddəsinə uyğun olaraq satınalmalarda iştirakla əlaqədar portaldan istifadə etmək üçün təchizatçılar tərəfindən aşağıdakı məbləğlərdə istifadə haqqı ödənilir:

Birdəfəlik

Təchizatçı tərəfindən seçilmiş hər hansı bir satınalma üzrə portaldan istifadə haqqı 25 manat

İstifadə müddətinə uyğun

30 gün 120 manat

90 gün 300 manat

180 gün 550 manat 

365 gün 950 manat 

Təklifləri təqdim etmək üçün ödənilən iştirak haqqının məbləği

“Dövlət satınalmaları haqqında” Qanunun 28.1-ci maddəsinə uyğun olaraq satınalmalarda iştirakla əlaqədar portaldan istifadə etmək üçün təchizatçılar tərəfindən aşağıdakı məbləğlərdə istifadə haqqı ödənilir:

5000 manatadək 10 manat;

5000 manatdan 100 000 manatadək 0,2%;

100 000 manatdan 200 000 manatadək 250 manat;

200 000 manatdan 500 000 manatadək 350 manat;

500 000 manatdan 1 000 000 manatadək 450 manat;

1 000 000 manatdan 2 000 000 manatadək 600 manat;

2 000 000 manatdan 5 000 000 manatadək 1000 manat;

5 000 000 manatdan 10 000 000 manatadək 1500 manat;

1 000 0000 manatdan yuxarı 0,015% (10 000 manatdan çox olmamaqla);

Təchizatçılar tərəfindən istifadə haqqının ödənilməsi aşağıdakı qaydada aparılır:

Təchizatçı gücləndirilmiş elektron imza vasitəsilə portaldan istifadə şərtlərini qəbul edərək Portala daxil olur;

Təchizatçı Portaldan istifadə etmək, o cümlədən iştirak etmək istədiyi satınalmanın şərtlər toplusunu, təchizatçıların uyğunluğunun əvvəlcədən müəyyənləşdirilməsi proseduru keçirildikdə, uyğunluğa dair sənədlər toplusunu əldə etmək məqsədilə bu Qaydaların 2.1-ci bəndi ilə müəyyən edilmiş məbləğdə istifadə haqqını Portal vasitəsilə ödəyir; 

Təchizatçı tərəfindən ödənilmiş vəsait elektron ödəniş sistemində yaradılmış müvəqqəti hesaba daxil olduqdan sonra təchizatçıya bu barədə bildiriş göndərilir və təchizatçı ödənişin qəbul edildiyi tarixdən etibarən ödənişini etdiyi müddət və ya ödəniş edilən satınalma üçün Portaldan istifadə hüququ əldə edir. 2.3.2. Elektron ödəniş sistemində yaradılmış müvəqqəti hesab üzrə yığılmış vəsait iş gününün sonunda Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin Azərbaycan Respublikasının Maliyyə Nazirliyi yanında Dövlət Xəzinədarlıq Agentliyində açılmış müvafiq xəzinə hesabına köçürülür. 

İştirak haqqının ödənilməsi 

Təchizatçılar tərəfindən iştirak haqqının Portal vasitəsilə ödənilməsi aşağıdakı qaydada aparılır: 

 Qaydalari ilə müəyyən edilmiş prosedurları icra edib Portaldan istifadə hüququ qazanan təchizatçı təklif təqdim etmək istədiyi satınalma üzrə müəyyən edilmiş iştirak haqqını Portal vasitəsilə ödəyir; 

təchizatçı tərəfindən ödənilmiş vəsait elektron ödəniş sistemində yaradılmış müvəqqəti hesaba daxil olduqdan sonra təchizatçıya bu barədə bildiriş göndərilir və təchizatçı ödənişin qəbul edildiyi tarixdən etibarən həmin satınalmaya təklif təqdim etmək hüququ əldə edir.