(®) 2023-cü ildə uzun danışıqlardan sonra Grand Automotive Azerbaijan İtaliyanın idman və biznes sinif avtomobillərinin istehsalçısı Maserati ilə rəsmi müqavilə bağlayaraq onun Azərbaycanda eksklüziv distribyutoru oldu.

Bakıda yerləşən Maserati avtomobil butiki keçən ilin noyabr ayında Ağ Şəhərdə öz qapılarını müştərilərinin üzünə açdı və ilk alıclarını dəbdəbəli avtomobillər dünyasında mükəmməlliyin və innovasiyaların inqilabı sayılan Maserati Grecale ilə tanış etdi.

Maserati Grecale Maserati üçün xarakterik olan əsas xüsusiyyətləri - yüksək performans, zəriflik və dəbdəbəni özündə birləşdirərək avtomobil sənayesində yeni inkişaf mərhələsini simvolizə edir, cəmləşdirir və Azərbaycanda avtomobil butikinin açılması Maserati üçün ölkəmizdə yeni eranın başlanğıc nöqtəsi, həmçinin müştərilərə innovativ təcrübələr təqdim etməyə yönəlmiş brendin yeni diler konsepsiyasının təcəssümü oldu.

Buna ilk əmin olanlar ötən həftəsonu Maserati brendinin pərəstişkarlarının, Azərbaycanın aparıcı avtobloqerlərinin, influencerlərin və media nümayəndələrinin iştirakı ilə keçirilən açılış mərasiminin qonaqları oldu, onlar həm də Maserati Grecale avtomobilinin test sürüşündə aktiv iştirak etdilər.

Qonaqlara Maserati avtomobil brendinin dünya bazarında inkişafı və yaranma tarixi haqqında, həmçinin Grand Automotive Azerbaijan-ın yaxın planları barədə ətraflı məlumat verildi.

Qeyd edək ki, yeni açılan avtomobil butiki müvəqqəti xarakter daşıyır - 2024-cü ilin may ayında tamamilə yeni Maserati 4S mərkəzinin açılışı planlaşdırılır, onun tikintisi sürətlə gedir və burada daha da geniş Maserati model çeşidi təqdim olunacaq. Yeni Maserati pərakəndə konsepti əsasında hazırlanan gələcək salon Qafqaz regionunda ən böyük Maserati salonuna çevriləcək - təkcə sərgi salonunun sahəsi 500 kvadratmetr təşkil edəcək və burada avtorizə olunmuş Maserati servisi də fəaliyyət göstərəcək.

Məlumdur ki, yazda Bakıda Maserati GranTurismo-nun təqdimatı keçiriləcək, yayda isə super idman avtomobili Maserati MC20 təqdim olunacaq.

Vurğulayaq ki, alıcılara yuxarıda qeyd olunan Maserati Grecale və Bakıda təqdim olunan digər Maserati modellərinin müxtəlif komplektasiyalarını əvvəlcədən sifariş vermək imkanı verilir.

Ünvan: Ağ şəhər, 1-ci Yaşıl ada küçəsi, Fəvvarələr meydanı.

Ətraflı məlumat üçün əlaqə nömrəsi *5888

Intagram - Maserati.Baku

Facebook - Maserati Baku