“AI” yox, “SI” – Tramp ABŞ hökumətində “süni intellekt” ifadəsini dəyişdi: Bundan sonra “super intellekt” deyiləcək
Tramp “süni intellekt” adını dəyişdi – ABŞ hökuməti bundan sonra “super intellekt” deyəcəkABŞ Prezidenti Donald Tramp federal hökumətin icraedici qurumlarına rəsmi sənədlərdə “artificial intelligence” (Aİ) — “süni intellekt” ifadəsi əvəzinə “super intelligence” (Sİ) — “super intellekt” terminindən istifadə etməyi tapşırıb.
Marja.az xəbər verir ki, bununla bağlı Tramp sentyabrın 29-da “Super intellekt dövrünün başlanması” (“Inaugurating The Era Of Super Intelligence”) adlı icra sərəncamı imzalayıb.
Sərəncama əsasən, ABŞ-ın icra hakimiyyəti sisteminə daxil olan bütün departament və agentliklər rəsmi yazışmalarda, ictimai kommunikasiyalarda, siyasət sənədlərində və digər materiallarda yeni termindən istifadə etməlidirlər. “Artificial Intelligence” və “AI” ifadələrinin isə federal icra hakimiyyətinin rəsmi terminologiyasından çıxarılması nəzərdə tutulur.
Ağ Evin mövqeyinə görə, müasir qabaqcıl sistemlərin imkanları artıq insan intellektinin ayrı-ayrı funksiyalarını sadəcə təqlid və ya avtomatlaşdırmaqdan kənara çıxır və insanların elmi, tibbi və digər sahələrdə imkanlarını genişləndirir. Administrasiya bunu “Super Intelligence” dövrünə keçid kimi təqdim edir.
Texnologiya nəhəngləri Ağ Evdə toplanıb
Qərar Trampın Ağ Evdə texnologiya sektorunun aparıcı nümayəndələri ilə görüşündən sonra açıqlanıb.
Görüşdə Google-un baş direktoru Sundar Pichai, Tesla və SpaceX rəhbəri Elon Musk, Meta-nın baş direktoru Mark Zuckerberg, Anthropic rəhbəri Dario Amodei, OpenAI prezidenti Greg Brockman və Nvidia-nın baş direktoru Jensen Huang da daxil olmaqla texnologiya sənayesinin aparıcı nümayəndələri iştirak ediblər.
Tramp jurnalistlərə bildirib ki, termin rəsmi şəkildə dəyişdirilib və qərarın dünyanın aparıcı texnologiya rəhbərləri ilə müzakirə edildiyini deyib.
Bununla belə, texnologiya şirkətlərinin rəhbərlərinin imzaladığı ayrıca sənəd birbaşa termin dəyişikliyini təsbit etmir. “White House Accord on Super Intelligence” adlı sənəd daha çox qabaqcıl süni intellekt sistemlərinin təhlükəsiz və etibarlı şəkildə inkişaf etdirilməsi üzrə ümumi öhdəlikləri əhatə edir.
Sənəddə şirkətlərin öz texnologiyalarının nəzərdə tutulduğu kimi işləməsini təmin etmək üçün daxili nəzarət mexanizmləri yaratması, təhlükəsizlik standartları üzrə mütəmadi görüşlər keçirməsi və gələcəkdə bəzi prinsiplərin qanunvericilik və ya tənzimləmə formasına salınmasının mümkünlüyü qeyd olunur.
Tramp sənədin hüquqi baxımdan məcburi olub-olmadığı barədə suala onun “mənəvi baxımdan məcburi” olduğunu deyib.
Sorğular amerikalıların süni intellektlə bağlı narahatlığını göstərir
Termin dəyişikliyi ABŞ ictimaiyyətində süni intellektin sürətli inkişafı və təhlükəsizlik riskləri ilə bağlı narahatlığın yüksək olduğu dövrə təsadüf edir.
Quinnipiac Universitetinin sentyabrın 29-da açıqladığı milli sorğuya görə, qeydə alınmış seçicilərin 58%-i Trampın süni intellekt siyasətini idarə etməsini bəyənmədiyini, 25%-i isə bəyəndiyini bildirib. Respondentlərin 79%-i süni intellekt sahəsində təhlükəsizliyin texnoloji yarışda ön sıralarda qalmaqdan daha vacib olduğunu bildirib. 71% isə süni intellektin inkişafına daha sərt təhlükəsizlik məhdudiyyətləri tətbiq edilməsini dəstəkləyən namizədlərə səs verməyə daha meylli olduğunu qeyd edib.
Massaçusets Universitetinin Amherst kampusunun avqustun 21–26-da 1 000 nəfər arasında keçirdiyi başqa bir sorğuda respondentlərin 57%-i Trampın süni intellekt məsələsini idarə etməsini “pis”, 23%-i isə “yaxşı” qiymətləndirib. Sorğunun statistik xəta həddi 3,5 faiz bəndidir.
Eyni sorğuya əsasən, amerikalıların yalnız 11%-i öz yaşadıqları ərazidə süni intellekt məlumat mərkəzinin tikilməsini dəstəkləyir, 65%-i isə buna qarşı çıxır. Respondentlərin narahatlıqları arasında enerji və su sərfiyyatı, torpaq istifadəsi, kommunal xərclər və süni intellekt sektoruna ümumi etimadsızlıq yer alıb.
Tramp Çinlə texnoloji rəqabəti prioritet sayır
Tramp administrasiyası süni intellekt sahəsində ABŞ-ın Çin üzərində texnoloji üstünlüyünü qorumasını strateji prioritetlərdən biri kimi təqdim edir.
Yeni sərəncam da texnologiyanın imkanlarını ABŞ üçün iqtisadi, elmi və geosiyasi üstünlük mənbəyi kimi qabardır. Bununla yanaşı, ABŞ-da süni intellekt sistemlərinin təhlükəsizliyi, məlumat mərkəzlərinin enerji tələbatı, əmək bazarına təsiri və tənzimlənməsi ilə bağlı müzakirələr güclənməkdə davam edir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
1 gün sonra
ABB Invest ilə “Prior Leasing” istiqrazlarından illik 15% gəlir fürsəti ®
-
10 d. əvvəl
Intel investorları aldatmaqda ittiham olunur – Şirkətə qarşı kollektiv məhkəmə iddiası qaldırılıb
-
13 saat əvvəl
Azərbaycan aviaşirkəti yarım ili 205 milyon manat xalis mənfəətlə başa vurub
-
13 saat əvvəl
“Legion Financial” kütləvi təkliflə istiqraz buraxılışını müzakirə edəcək
-
13 saat əvvəl
Avropanın bank sektorunda nəhəng satınalmaya yaşıl işıq – 45 milyard avroluq əməliyyat
-
13 saat əvvəl
Kreml: Çində Putin və Tramp arasında ikitərəfli görüş üzərində iş gedir
-
13 saat əvvəl
Tramp: Putin Ukrayna məsələsində mövqeyini yumşaldır, güzəştlərə gedir
- 14 saat əvvəl
-
15 saat əvvəl
Manat əmanətlərinin faiz gəlirinə vergi - 18 aylıq manat əmanətlərində vergi güzəşti bitir
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Avropanın bank sektorunda nəhəng satınalmaya yaşıl işıq – 45 milyard avroluq əməliyyat
Ən çox oxunanlar
Bakıda bal yarmarkasının tarixi və yeri dəyişdirilib
Manat əmanətlərinin faiz gəlirinə vergi - 18 aylıq manat əmanətlərində vergi güzəşti bitir
Ədliyyə işçilərinə özəl – 3% ENDİRİMLİ, KOMİSSİYASIZ KREDİT ®
96 yaşlı milyarderdən böyük qərar – 5,5 milyard dollarını ianə etdi
Nvidia-da Jensen Huanqın geri qayıtması çağırışları güclənir
Dolların sabah üçün rəsmi məzənnəsi müəyyən olunub























