Tramp: "İran sonda təslim olacaq" – Hörmüzdən neft axınının rekord səviyyəyə çatdığını iddia etdi
Tramp: İranın vəziyyəti çox pisdir, sonda geri çəkiləcəkABŞ Prezidenti Donald Tramp İranın sonda geri çəkiləcəyini bildirib və Tehran rəhbərliyinin hazırda “çox pis vəziyyətdə” olduğunu iddia edib. Tramp, həmçinin son günlər Hörmüz boğazından neft daşınmasının tarixi səviyyələrə çatdığını söyləyib.
Marja.az xəbər verir ki, Tramp sentyabrın 29-da Ağ Evdə texnologiya və süni intellekt şirkətlərinin nümayəndələri ilə keçirilən tədbir zamanı jurnalistlərin suallarını cavablandırıb. Reuters də Trampın İranın “hələ təslim olub-olmayacağını” bilmədiyini, lakin sonda bunun baş verəcəyini dediyini yazıb.
İranın güzəştə getməyə və ya geri çəkilməyə yaxın olub-olmadığı barədə suala Tramp bildirib:
“Onların hələ təslim olub-olmayacağını bilmirəm, amma sonda təslim olacaqlar. Hazırda vəziyyətləri çox pisdir.”
Trampın açıqlaması ABŞ və İran arasında vasitəçilər üzərindən təmasların davam etdiyi bir vaxtda səslənib. Reuters-in məlumatına görə, Qətər tərəflər arasında mümkün razılaşmanın əldə olunması üçün vasitəçilik edir, lakin danışıqlar hələ Hörmüz boğazının tam açılması ilə nəticələnməyib.
Tramp Hörmüzdən neft keçidinin kəskin artdığını deyir
ABŞ Prezidenti Hörmüz boğazındakı vəziyyətə də toxunaraq son günlər neft daşınmasının əhəmiyyətli dərəcədə artdığını bildirib.
Tramp “son bir neçə gündə Hörmüz boğazından tarixdə hər hansı dövrdəkindən daha çox neft çıxarıldığını” iddia edib. Eyni açıqlama digər beynəlxalq mənbələrdə də qeydə alınıb.
Bununla belə, mövcud bazar məlumatları Trampın “tarixdə ən yüksək” ifadəsini təsdiqləmir. Reuters-in məlumatına görə, Yaxın Şərqdən xam neft ixracı sentyabrda gündəlik 16 milyon 328 min barelə yüksələrək münaqişə başlayandan bəri ən yüksək səviyyəyə çatıb, lakin fevraldakı müharibədən əvvəlki səviyyələrdən aşağı qalıb.
Neft qiymətləri geriləyib
Hörmüz boğazı və Yaxın Şərqdən neft tədarükünün bərpa olunmasına dair əlamətlər sentyabrın 29-da dünya bazarında qiymətlərə də təsir göstərib. Brent markalı neft 2,69 dollar və ya təxminən 2,6% ucuzlaşaraq bir barel üçün 102,59 dollara, ABŞ-ın WTI nefti isə 3,22 dollar azalaraq 89,38 dollara düşüb. Reuters qiymət enişini əsasən Yaxın Şərqdən ixracın bərpası və alternativ ixrac marşrutlarından daşınmaların artması ilə əlaqələndirib.
Bununla belə, Brent sentyabr ayını təxminən 13%-lik artımla başa vurmağa doğru gedir. Bu, Hörmüz boğazında daşımaların pozulmasının enerji bazarında yaratdığı risklərin hələ də tam aradan qalxmadığını göstərir.
ABŞ ehtiyatlardan daha 40 milyon barel neft çıxarmağa hazırlaşır
Eyni zamanda ABŞ hökuməti Strateji Neft Ehtiyatından şirkətlərə 40 milyon barelədək xam neft borc verməyə hazırlaşdığını açıqlayıb. Bu addım Beynəlxalq Enerji Agentliyi ölkələrinin İran müharibəsinin enerji bazarında yaratdığı təzyiqi azaltmaq məqsədilə razılaşdırdığı ümumilikdə 400 milyon barellik ehtiyat buraxılışı proqramının bir hissəsidir. ABŞ-ın bu proqram çərçivəsində ümumi öhdəliyi 172 milyon barel təşkil edir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
1 gün sonra
ABB Invest ilə “Prior Leasing” istiqrazlarından illik 15% gəlir fürsəti ®
-
10 d. əvvəl
Intel investorları aldatmaqda ittiham olunur – Şirkətə qarşı kollektiv məhkəmə iddiası qaldırılıb
-
13 saat əvvəl
Azərbaycan aviaşirkəti yarım ili 205 milyon manat xalis mənfəətlə başa vurub
-
13 saat əvvəl
“Legion Financial” kütləvi təkliflə istiqraz buraxılışını müzakirə edəcək
-
13 saat əvvəl
Avropanın bank sektorunda nəhəng satınalmaya yaşıl işıq – 45 milyard avroluq əməliyyat
-
13 saat əvvəl
Kreml: Çində Putin və Tramp arasında ikitərəfli görüş üzərində iş gedir
-
13 saat əvvəl
Tramp: Putin Ukrayna məsələsində mövqeyini yumşaldır, güzəştlərə gedir
- 14 saat əvvəl
-
15 saat əvvəl
Manat əmanətlərinin faiz gəlirinə vergi - 18 aylıq manat əmanətlərində vergi güzəşti bitir
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Avropanın bank sektorunda nəhəng satınalmaya yaşıl işıq – 45 milyard avroluq əməliyyat
Ən çox oxunanlar
Bakıda bal yarmarkasının tarixi və yeri dəyişdirilib
Manat əmanətlərinin faiz gəlirinə vergi - 18 aylıq manat əmanətlərində vergi güzəşti bitir
Ədliyyə işçilərinə özəl – 3% ENDİRİMLİ, KOMİSSİYASIZ KREDİT ®
96 yaşlı milyarderdən böyük qərar – 5,5 milyard dollarını ianə etdi
Nvidia-da Jensen Huanqın geri qayıtması çağırışları güclənir
Dolların sabah üçün rəsmi məzənnəsi müəyyən olunub























