ABŞ "Boeing 737 MAX 9" təyyarələrinin uçuşlarını dayandırıb

ABŞ "Boeing 737 MAX 9" təyyarələrinin uçuşlarını dayandırıb

ABŞ “Boeing 737 MAX 9” tipli təyyarələrin uçuşlarının müvəqqəti dayandırılmasına qərar verib.

ABŞ "Boeing 737 MAX 9" təyyarələrinin uçuşlarını dayandırıb

ABŞ Federal Aviasiya Administrasiyası (FAA) sərnişin təyyarəsinin havada olarkən gövdəsinin bir parçasının qopması səbəbindən təcili eniş etməsindən sonra bəzi "Boeing 737 MAX 9" tipli təyyarələrin uçuşlarının müvəqqəti dayandırılmasına qərar verib.

Marja.az xəbər verir ki, FAA-nın verdiyi açıqlamada, ABŞ hava yolları tərəfindən və ya ABŞ sərhədləri daxilində istifadə edilən bəzi "Boeing 737 MAX 9" tipli təyyarələrin müvəqqəti olaraq yerə endirilməsi əmri verildiyi bildirilib.

Təyyarələrdə lazımi yoxlamalar aparılacaq.

Açıqlamada bu qərarın dünya üzrə təxminən 171 təyyarəni əhatə edəcəyi qeyd edilib.

Alyaska Hava Yollarına məxsus təyyarə təcili eniş edib

Yanvarın 5-i axşam saatlarında ABŞ-ın Alyaska Hava Yollarına məxsus "Boeing 737 MAX 9" tipli sərnişin təyyarəsi havada olarkən gövdəsinin bir parçasının qopması səbəbindən məcburi eniş edib.

Oreqondan Kaliforniyaya gedən təyyarə havaya qalxdıqdan təxminən 35 dəqiqə sonra təcili eniş etməli olduğu halda, gövdə parçasının qopduğu hissədə sərnişinlərin olmadığı bildirilib.

Alaska Hava Yolları tərəfindən edilən yazılı açıqlamada, təyyarənin 171 sərnişin və 6 kabinə işçisi ilə təhlükəsiz eniş etdiyi açıqlanıb.

Açıqlamada 65 ədəd “737 MAX 9” tipli təyyarənin müvəqqəti olaraq yoxlanılmaq üçün istifadədən çıxarılacağı, yoxlamaların bir neçə gün davam edəcəyi təxmin edildiyi bildirilib.

Milli Nəqliyyat Təhlükəsizliyi Şurası hadisə ilə bağlı araşdırmaya başlayıb.