Göygöl Şərab Zavodunun 160 illik ənənəsi

Göygöl Şərab Zavodunun 160 illik ənənəsi

Göygöl Şərab Zavodunun 160 illik ənənəsi

(®) Ölkənin böyük spirtli içki istehsalçılarından olan Göygöl Şərab Zavodu məhsulların hazırlanmasında şərabçılıq ənənələrinin qorunmasını diqqətdə saxlayır.

Bu gün zavodda istehsal olunan təbii şərablar yerli və beynəlxalq bazarlarda öz layiqli yerini tutmuşdur. Zavod istehsal etdiyi şərabın yüksək dad və keyfiyyət göstəricilərinə malik olmasında ənənəvi təcrübədən yararlanmaq üçün müntəzəm olaraq klassik şərabçılığın geniş yayıldığı ölkələrdən, o cümlədən Fransa və İtaliyadan xarici mütəxəssislərlə uzunmüddətli əməkdaşlıq edir.

Bu yaxınlarda İtaliyadan xüsusi dəvət edilmiş şərabçılar buradakı üzüm sahələrini ziyarət etmiş, istehsalın bütün mərhələlərində iştirak etmiş, üzümün keyfiyyətli və məhsuldar yetişdirilməsi üçün öz praktiki tövsiyələrini bildirmişlər. Ekspertlər xüsusilə də buradakı iqlim şəraiti və üzüm sahələrinin üzümçülük üçün perspektivini yüksək qiymətləndiriblər.

Qeyd edək ki, Göygöl va Samux bölgələrində yerləşən üzümlüklərdə cəmi 13 olmaqla, qırmızı şərablar üçün Pinot Noir, Cabernet Sauvignon, Merlot, Syrah, Saperavi, Grenache, Mədrəsə, ağ şərablar üçün isə Sauvignon Blanc, Chardonnay, Rkatsiteli, Muscat, Bayanşirə, Uniblanc üzüm sortları yetişdirilir. Zavodda xammalın qidalı və orqanoleptik xüsusiyyətlərinin maksimum saxlanmasına ciddi riayət edilir və məhsulların yüksək keyfiyyətinin təmin edilməsi üçün istehsalın bütün mərhələlərində müasir avadanlıqlar və kompüter texnologiyaları vasitəsilə labaratoriya analizləri həyata keçirilir.

Qeyd edək ki, 160 ildən artıq tarixə malik “Göygöl Şərab Zavodu” ASC Azərbaycanın ən qədim spirtli içki istehsal edən müəssisəsidir. Zavodun “Xan 1860” brendi adı altında təqdim etdiyi araq, şərab, konyak və şampanlar müxtəlif ölkələrə ixrac olunur və dəfələrlə önəmli beynəlxalq mükafat və sertifikatlar qazanmışdır.

şərab Göygöl Zavod Xan1860 araq konyak şampanlar

26.12.2023 11:03

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az