Rublun ilin sonunadək daha da bahalaşacağı gözlənilir
Yüksək ehtimalla Rusiya Mərkəzi Bankı bu cümə günü uçot dərəcəsini 1 faiz bəndi artıraraq 16%-ə qaldıracaq və bazar bunu artıq kotirovkalara daxil edib.
Marja.az-ın məlumatına görə, maliyyə analitiki Vladislav Antonov bildirib ki, növbəti iki ay ərzində rubl tamamilə fərqli amillərin təsiri altında bahalaşa bilər.
Faizin artırılması Mərkəzi Bankın proqnozlarını üstələyən yüksək inflyasiya, davamlı inflyasiya təzyiqi, eləcə də 2024-cü ildə dövlət xərclərinin gözlənilən artımı ilə bağlıdır. "İnflyasiya və geoiqtisadi risklər pul siyasətinin sərtləşdirilməsi tsiklini başa çatdırmağa imkan vermir”, - deyə o əlavə edib.
Bazar artıq bu həftə kotirovkalarda qarşıdan gələn faiz artımını nəzərə alıb, ona görə də rubla ciddi təsir olmamalıdır. Amma gələcəkdə inflyasiyanın qarşısını almağa yönəlmiş sərt pul siyasəti milli valyutanı dəstəkləməlidir. Analitik hesab edir ki, ilin sonuna kimi 87-102,5 rubl dəhlizi dollar üçün aktual olaraq qalır.
Antonov qeyd edib ki, bu il dolların 100 rubldan əhəmiyyətli dərəcədə aşağı düşəcəyini gözləmək üçün hər cür əsas var. Rusiya iqtisadiyyatının davamlı artımı fonunda Rusiyadan kapitalın çıxarılması problemi uğurla həll olunarsa və ixrac gəlirləri tam şəkildə rus ixracatçılarına köçürülərsə, yaxın iki ayda dollar 83-85 rubladək düşə bilər.
Antonov hesab edir ki, faiz endirimi dövrü 2024-cü ilin ikinci yarısına qədər başlamayacaq: "Bunun gələn il yazın ikinci yarısında baş verə biləcəyi üçün bütün ilkin şərtlər var. Mərkəzi Bankın uçot dərəcəsini aşağı salması üçün inflyasiyanın yavaşlaması və ya əhalinin və biznesin inflyasiya gözləntilərinin azalması tələb olunur. Rubl möhkəmlənərsə, bu, Rusiya Bankının 2024-cü ildəki qərarlarına da təsir edə bilər".
Qeyd edək ki, dünən dollar 90 rubldan aşağı düşüb. Hazırda Dollar/Rubl məzənnəsi 89.89rubla, Avro/Rubl məzənnəsi 96.95 rubla bərabərdir.
Rusiyada illik inflyasiya dekabrın 11-də bir həftə əvvəlki 7,52%-dən 7,47%-ə enib. İqtisadi İnkişaf Nazirliyi 2023-cü ildə Rusiya Federasiyasında inflyasiyanı 7,5%, Rusiya Mərkəzi Bankı isə 7-7,5% səviyyəsində proqnozlaşdırır. İqtisadi inkişaf naziri Maksim Reşetnikov dekabrın 7-də bildirib ki, nazirlik il üçün inflyasiya proqnozunu 7,5% səviyyəsində saxlayır.
2023-cü ildə Rusiya valyutası bir dollar üçün 102 rubla qədər zəifləmişdi: bir dollar üçün 102 rubl zirvəsi iki dəfə - avqust və oktyabr aylarında müşahidə olunub. Bununla belə, oktyabr-noyabr aylarında məzənnə 87,7 rubla qədər düşmüşdü.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
11 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 11 saat əvvəl
- 11 saat əvvəl
-
11 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 14 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır

























