Putinin Səudiyyə Ərəbistanına gözlənilən səfəri ABŞ-ın səylərinin uğursuzluğuna işarədir - Bloomberg

Putinin Səudiyyə Ərəbistanına gözlənilən səfəri ABŞ-ın səylərinin uğursuzluğuna işarədir - Bloomberg

Agentlik qeyd edir ki, səfər, Rusiya prezidentinin onu dünya səhnəsində təcrid etmək cəhdlərinə baxmayaraq, ölkədən kənara çıxmaq imkanına artan inamını nümayiş etdirir.

Putinin Səudiyyə Ərəbistanına gözlənilən səfəri ABŞ-ın səylərinin uğursuzluğuna işarədir - Bloomberg

Rusiya prezidenti Vladimir Putinin Səudiyyə Ərəbistanına gözlənilən səfəri Vaşinqtonun Moskvanı təcrid etmək cəhdlərinin uğursuzluğundan xəbər verir.

Marja.az xəbər verir ki, bu barədə çərşənbə axşamı Bloomberg agentliyi məlumat yayıb.

Qeyd edilib ki, bu səfər "Putinin ABŞ və Avropanın onu dünya səhnəsində təcrid etmək cəhdlərinə baxmayaraq, Rusiyadan kənarda səyahət etmək imkanına inamının artdığını" göstərir. Agentlik vurğulayıb ki, Rusiya iqtisadiyyatı hazırda “daha güclü mövqedədir” və Vaşinqton tərəfindən dəstəklənən Ukrayna hərbi uğur görmür.

Bloomberg qeyd edir ki, Rusiya lideri Körfəz ölkələrinin başçıları ilə əlaqələri gücləndirir və “Amerikanın Ukraynaya dəstəyinin davamlılığı sual altındadır”.

Daha əvvəl Kremlin mətbuat xidməti məlumat vermişdi ki, Vladimir Putin dekabrın 6-da işgüzar səfərləri zamanı Səudiyyə Ərəbistanının vəliəhd şahzadəsi Məhəmməd bin Salman Əl Səud və Birləşmiş Ərəb Əmirliklərinin (BƏƏ) prezidenti Məhəmməd bin Zayed Əl Nəhyanla görüşəcək. BƏƏ rəhbəri ilə danışıqlar çərçivəsində çoxşaxəli Rusiya-BƏƏ əməkdaşlığının vəziyyəti, gələcək inkişaf perspektivləri, eləcə də Yaxın Şərqdəki vəziyyət daxil cari regional və beynəlxalq məsələlərin müzakirəsi gözlənilir.

Rusiya prezidentinin mətbuat katibi Dmitri Peskovun əvvəllər verdiyi məlumata görə, səfərlərin gündəliyində neft mövzusu da olacaq. O qeyd edib ki, OPEC+ formatı çərçivəsində belə müzakirələr aparılır, həmçinin dövlət başçıları da bu mövzuya da baxacaqlar. Kreml nümayəndəsi həmçinin qeyd edib ki, Putinin hər iki ölkəyə səfəri bir gündə baş tutacaq.

Putin 2019-cu ildən bəri ilk dəfə BƏƏ və Səudiyyə Ərəbistanına səfər edəcək.

06.12.2023 09:38

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az