Çərşənbə axşamı Rusiyanın kredit reytinqi agentliyi ACRA, gələcək üç il üçün makroiqtisadi proqnozularını təqdim etdiyi hesabat dərc edib.

Marja.az hesabata istinadən xəbər verir ki, agentliyin məlumatına görə, 2023-cü ildə dolların rubla nisbətdə orta illik məzənnəsi 1 dollar üçün 84,8-85,5 rubl, 2024-cü ildə 86,5-91,9 rubl, 2025-ci ildə 87,7-94,7 və 2026-cı ildə 88,4-97,4 rubl təşkil edəcək. 

“Ən böyük ixracatçılar tərəfindən valyuta gəlirlərinin məcburi satışı tələbi, Rusiya Mərkəzi Bankı tərəfindən valyuta alışının dayandırılması, eləcə də uçot faiz dərəcəsinin artırılması ilə birlikdə idxalın azalması ona gətirib çıxarır ki, 2023-cü ilin sonu və 2024-cü ilin birinci yarısında məzənnə bir dollar üçün 85 rubl təşkil edə bilər”, - hesabatda deyilir.

Sənədin müəllifləri yazır ki, eyni zamanda, orta və uzunmüddətli perspektivdə daxili valyuta bazarında məzənnənin nisbətən sürətli dəyişməsi üçün şərait 5-10% qalacaq. Bundan əlavə, rublun zəifləməsinə təsir edən uzunmüddətli amillər var: “Bunlara -daxili tələbin, o cümlədən idxal olunan mal və xidmətlərə tələbin artması, dünya iqtisadiyyatının və ticarətinin artım templərinin azalması ilə Rusiyanın ixracının azalması, ticarət tərəfdaşı olan ölkələrdə inflyasiya səviyyələrinin yüksəlməsi daxildir”, - ACRA qeyd edir.

Ümumiyyətlə, ACRA bildirir ki, iri ixracatçılar tərəfindən valyuta gəlirlərinin məcburi satışı ilə əlaqədar daxili valyuta bazarında likvidlik vəziyyəti yaxşılaşıb. Lakin orta və uzunmüddətli perspektivdə tədbirin özü rublun məzənnəsinin möhkəmlənməsinə deyil, dəyişkənliyinin azalmasına kömək edəcək. Hesabatın müəllifləri həmçinin hesab edirlər ki, kapital axınını çətinləşdirən tədbirlər kompleksindən istifadə edərkən nəzəri olaraq məzənnəyə uzunmüddətli təsir baş verə bilər.

Rusiya İqtisadi İnkişaf Nazirliyinin proqnozuna görə, 2023-cü ildə dolların orta məzənnəsi 85,2 rubl, 2024-cü ildə 90,1 rubl, 2025 və 2026-cı illərdə müvafiq olaraq 91,1 və 92,3 dollar təşkil edəcək. Bununla yanaşı, nazirlik 2024-cü ilin ortalarına qədər rublun möhkəmlənməsinə icazə verib - iyunda dollar orta hesabla 87,5 rubla başa gələcək.