İşçiləri böcəklər əvəz edir - Azərbaycanda dərmansız tərəvəzçilik

İşçiləri böcəklər əvəz edir - Azərbaycanda dərmansız tərəvəzçilik

İşçiləri böcəklər əvəz edir - Azərbaycanda dərmansız tərəvəzçilik

Azərbaycanda dərmansız tərəvəzçilik məhsullarının yetişdirilməsinə başlanılıb.

Bunu açıqlamasında “Aqrosell” MMC-nin rəhbəri, türk iş adamı Kamal Yıldız deyib. Onun sözlərinə görə, artıq ənənəvi parnikçilikdən fərqli olaraq məhsullar torpaqda deyil, kokobitlərdə yetişdirilir.

Bundan əlavə, çiçəklərin mayalandırılması üçün dünyada məşhur olan, hətta ABŞ, Çin, Rusiyada tərəvəzçilikdə istifadə edilən “Biobet” arılarından istifadə edilir. Bu arılar adi bal arılarından fərqlənir. Effektiv mayalandırma sahəsində məhsul daha çox və kefiyyətli olur.

K.Yılmaz bildirib ki, çiçəklərin mayalandırılması ilə yanaşı, tərəvəzləri xərsətliklərdən qorumaq üçün də böcəklərdən istifadə edilməsinə başlanılır:

“Məsələn, məhsuldarlığıa ziyan vuran ağ kəpənək, tutu böcəyi və digər zərərvericilərə qarşı artıq dərmandan istifadə etməyəcəyik. Əvəzində zərərvericiləri yeyən böcəklərin parnik təsərraflarında istifadəsinə başlayacağıq. Bu sahədə yeniliklər getdikcə artır”.

K.Yılmaz bildirib ki, dövlətlər bu sahədə araşdırmalara böyük vəsaitlər xərcləyirlər. Məsələn, ABŞ-da artıq zərərverici göbələklərlə qidalanan böcəklər parnik təsərrüfatlarında istifadə edilir. Avropada dərmansız yetişdirilən məhsulların həcmi 70%-ə, Tükiyədə 15%-ə qədər yüksəlib. Azərbaycanda isə hələlik 0,1% həcmdə dərmansız məhsul yetişdirmək mümkün olub.

Şirkət rəhbərinin sözlərinə görə, dərmansız məhsul yetişdirmək iş adamları üçün də sərfəlidir. İndiyə qədər dərmanlama sahəsində insan amili var idi və bu əlavə işçi xərci demək idi. İşçilər bəzən dərmanlamanı lazımı qaydada həyata keçirmirdilər. Amma böcəklər vasitəsilə artıq belə problem yaranmır və dərmanlama ilə məşğul olan işçiyə ehtiyac qalmır: “ Ümumilikdə texnologiyanın inkişafı imkan verir ki, böyük sahələrdə parnik təsərrüfatı yaradılsın”.

31.07.2017 11:00