"Hazırkı şəraitdə ABŞ dolları qısa müddətə 100 rubl həddini keçə bilər. Lakin oktyabr ayı ərzində dolların 95-96 rubla, payızın sonunda isə 90 rubla qədər geriləməsi mümkündür".

Marja.az xəbər verir ki, bunu "BCS World of Investments" şirkətinin investisiya strateqi Alexander Baxtin bildirib.

Qeyd edək ki, bu gün Dolların məzənnəsi avqustun 14-dən bəri ilk dəfə olaraq 100 rublu ötüb.

Onun fikrincə, rubla əsas təzyiq idxalçılardan xarici valyutaya artan tələbdir. Xarici valyutaların təklifinin məhdud olması, tələbin isə artması məzənnələrin yüksəlməsinə səbəb olur.

“Hazırda vergi ödənişləri dövrünün olmaması, idxalçıların dollara tələbinin artması və spekulyativ qüvvələr Dolları bahalaşdırır. Dollar qısa müddətdə 100 rubldan yuxarı qalxa bilər” - deyə investisiya strateqi qeyd edir.

Eyni zamanda, ən yaxın texniki hədəf bir dollar üçün 101,7 rubl səviyyəsindədir. Baxtin izah edir: “Bu səviyyələrdə təkcə texniki müqavimət gözlənilmir, həm də potensial olaraq hələ də təsir gücünə malik olan Mərkəzi Bankdan əlavə addımların atılması – uçot dərəcəsinin daha da artırılması, ixracatçılar üçün valyuta satış standartları, kapitalın çıxarılmasına məhdudiyyətlər - gözlənilir”. 

Ekspertin fikrincə, bir ay ərzində rubl nəinki sabitləşə, hətta dollar 95-96 rubla düşə bilər, payızın sonunda isə 90 rubla yaxınlaşan səviyyələri görə bilərik.

"Birincisi, mərkəzi bank tərəfindən uçot dərəcəsinin iki dəfə artırılmasının təsirləri güclənəcək. İkincisi, ümumi bazar fonu yaxşılaşa bilər ki, bu da qlobal dolları illik zirvələrdən geriləməsinə məcbur edəcək. Bu da öz növbəsində əmtəə qiymətləri və inkişaf etməkdə olan ölkələrin valyutaları üçün həmişə müsbətdir”, - Baxtin yekunlaşdırıb.

Ümumiyyətlə, geosiyasi gərginlik fonunda rublun zəifləməsi riskləri qalmaqdadır. Bundan sonrakı istiqamət siyasi proseslərdən, Rusiya Mərkəzi Bankının inflyasiya ilə mübarizə tədbirlərindən, valyuta satışı və çıxarılması ilə bağlı tələblərdən və neft qiymətlərindən asılı olacaq.