Azərbaycanın iri logistika şirkətinin gəlirləri və xalis mənfəəti kəskin artıb

Azərbaycanın iri logistika şirkətinin gəlirləri və xalis mənfəəti kəskin artıb

Azərbaycanın iri logistika şirkətinin gəlirləri və xalis mənfəəti kəskin artıb

"Abşeron Logistika" MMC 2022-ci ili 2 milyon 935 min manat xalis mənfəət ilə başa vurub. Şirkət 2021-ci ili 1 milyon 989 min manat xalis mənfəət ilə bağlamışdı. Beləliklə, ötən il "Abşeron Logistika" MMC-nin xalis mənfəəti 945 min manat və ya 47,5% artıb. Xalis mənfəətin artması gəlirlərin artmasından qaynaqlanır.

Marja.az Şirkətin maliyyə hesabatına istinadən xəbər verir ki, "Abşeron Logistika" MMC-nin cəmi gəlirləri 2021-ci ildə 24 milyon 742 min manat ikən, 2022-ci ildə 33 milyon 732 min manata yüksəlib ( 8 milyon 990 min manat və ya 36,3% artıb).

VTB-də yüksək depozit faizləri daha çox qazandırır

31 dekabr 2022-ci il tarixində "Abşeron Logistika" MMC 25 milyon 345 min manat cəmi aktivlərə malik olub. Şirkət 2021-ci ilin sonunda 25 milyon 158 min manat cəmi aktivlərə malik idi.

"Abşeron Logistika" MMC beynəlxalq standartlara və Azərbaycanda inteqrasiyaya sahib olan ilk özəl logistik mərkəzi olan Abşeron Logistika Mərkəzini idarə edir. Abşeron Logistika Mərkəzi 13 avqust 2018-ci ildə fəaliyyətə başlamışdır. Mərkəz, Azərbaycanın paytaxtı Bakı şəhərinin Qaradağ rayonunda - Lökbatan qəsəbəsində yerləşir. Rahat və əlverişli yol əlaqəsi terminaldan əsas yol nəqliyyat marşrutlarına birbaşa keçid etməyə və hədəfə tez bir zamanda çatmağa imkan verir. Abşeron Logistika Mərkəzinin nəzdində fəaliyyət göstərən “Abşeron” yük dəmir yolu stansiyasına Azərbaycan Dəmir Yolları QSC tərəfindən 548004 beynəlxalq stansiya kodu verilmişdir. 65,7 ha ərazini əhatə edən mərkəzdə konteyner, vaqon, gömrük, broker, terminal, saxlanma, ofis icarəsi, nəqliyyat və 3PL xidmətləri göstərilir. İdxal-ixrac və tranzit gömrük əməliyyatları ərazidə yerləşən gömrük orqanları tərəfindən həyata keçirilir. Yaradılmış bir pəncərə sistemi ilə yüksək səviyyəli və operativ xidmət göstərilir. Bu sistemin əsas məqsədi ayrı-ayrı məntəqələrdə göstərilən bir sıra xidmətlərin bir nöqtədən həyata keçirilməsi və bununla da vaxta qənaət edərək xərclərin azaldılmasıdır.

AbşeronLogistika mənfəət gəlir konteyner vaqon gömrük broker terminal saxlanma ofis icarəsi nəqliyyat 3PL xidmətləri

14.09.2023 18:18

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az