Yuxu nə qədər keyfiyyətlidirsə, səhər o qədər yenilənmiş şəkildə oyanırıq. Səhər yuxudan durduğumuz rejim bütün günün necə keçəcəyini müəyyənləşdirir. “Marja”, “Business Insider”da yer alan araşdırmaya istinadən xəbər verir ki, səhv yuxu vərdişləri səhhətə pis təsir edir, stressi də artırır.

Yaxşı yuxu vərdişlərini öyrənməyin ən vacib tərəfi  iş həyatına müsbət  kömək etməsidir. Əgər pis yuxu vərdişləriniz varsa, böyük ehtimalla karyera məqsədlərinizdə müvəffəqiyyət qazana bilməyəcəksiniz. Məhz, çəkinməyiniz lazım olan pis yuxu vərdişləri.

Ertəsi gün üçün plan tutmamaq

Sabahı planlaşdırmaq, yuxudan qalxanda günə hazırlıqlı olmaq üçün mühüm bir amildir. Uğursuz insanlar axşam yalnız yeyib-içib və əylənirlər, ertəsi günü demək olar ki, heç ağıllarına gətirmirlər. Bu hazırsızlıq ertəsi günə əks olunur və yaxşı bir nəticə əldə etməməyinizə gətirib çıxardır.

Ötən günü nəzərdən keçirməmək

Uğursuz insanlar yatdıqlarında ötən günü fikirləşməməyi üstün tuturlar. Təbii ki, keçmiş üçün çox vaxt sərf etmək lazımsızdır, lakin baş verənlərin üzərindən qısa da olsa keçmək edilən səhvləri görməyi təmin edir. Bu səhvləri düzəltmək isə sizi daha mükəmməl biri hala gətirir.

Yataq otağına cihazları aparmaq

Uğursuz insanlar yataqda da telefonla oynayır. "Huffungton Post"un qurucusu bu məsələdə hər kəsə yatmadan öncə ətrafdakı bütün ekranları söndürməyi tövsiyə edir. Texnoloji cihazla birlikdə yatağa getmək həm yuxunu ləngidir, həm də insanın ağlını qarışdırıb yorur.

Daim keçmişi fikirləşmək

Keçmişdə edilmiş səhvləri yatanda təkrar-təkrar düşünmək səhərə qədər yuxunuzun qaçmasına səbəb ola bilər. Səhvləri nəzərdən keçirib düzəltməyə çalışmaq gözəl olsa da, keçmişə çox asılı qalmaq yalnız ertəsi günü "öldürür".

Ertəsi günlə bağlı narahatlıq

Uğursuz insanlar keçmişdəki pis təcrübələrini fikirləşmir, gələcəklə bağlı çox narahatçılıq keçirir. Mühüm bir tədbir yaxınlaşanda həyəcanlanmaq kifayət qədər normal olsa da, hər gecə növbəti günü düşünərək vaxtı itirmək və daim təlaş halında olmaq sonrakı günün həqiqətən pis keçməsinə səbəb ola bilər.

Yatmazdan əvvəl duş qəbul etməmək

Özünüzə diqqət etməyiniz birinci tələbdir. Bir qayda yatmazdan əvvəl dişlərinizi təmizləyin və duş qəbul edin.Öz bədəninizə diqqət göstərmək, eyni zamanda günün bütün stressini ilıq duşla atmaq həm yuxunuzun keyfiyyətini artırır, həm də ertəsi günə daha təzə başlamısınıza kömək olur.

Gecə kofe və spirtli içki qəbul etmək

Yatmaq saatına yaxın içilən kofeinli içkilər həm yuxunu ləngidir, həm də keyfiyyətsiz edir. Xüsusilə spirtli içkilərin sizi yüngülləşdiyini və yatmğa kömək etdiyini düşünürsünüzsə yanılırsınız. Beynəlxalq Səhiyyə Təşkilatına görə, spirtli içkilər yuxunuzun daha yüngül olmasına və daha tez oyanmağınıza səbəb olmaqla bərabər, enerji toplamağa da mane olur.

İşıqlı bir otaqda yatmaq

Yuxunun keyfiyyəti üçün, qətiyyən işıq daxil olan otaqda yatmaq olmaz . Küçədən otağa sızan işıq, TV-dən gələn işıq, ya da  yanıb sönən bir işıq yataq otağında olmamalıdır. Yataq otağı tamamilə qaranlıq olmalıdır. Beləliklə, möhkəm yatacaqsınız və yorğunluğunuzu atıb səhər yüksək enerji ilə qalxacaqsınız.

Nizamsız yuxu saatları

Uğursuz insanlar bəzən çox, bəzən isə çox az yatırlar. Yuxu saatı rejimi olmayan insanlar həftə sonları gecədən səhərədək otururlar, həftə içi isə, o yorğunluğu kompensasiya etmək üçün işə gec qalmaq bahasına daha çox yatırlar.