Dövlət Binəqədidə aşağı gəlirli təbəqələr üçün binalar tikəcək - 54 MİLYONLUQ MÜQAVİLƏLƏR İMZALANIB

Dövlət Binəqədidə aşağı gəlirli təbəqələr üçün binalar tikəcək - 54 MİLYONLUQ MÜQAVİLƏLƏR İMZALANIB

Dövlət Binəqədidə aşağı gəlirli təbəqələr üçün binalar tikəcək - 54 MİLYONLUQ MÜQAVİLƏLƏR İMZALANIB

Dövlətə məxsus Mənzil İnşaatı Dövlət Agentliyinin (MİDA) tabeliyində olan “MİDA” MMC Bakı şəhəri, Binəqədi rayonunda əhalinin imtiyazlı təbəqələri üçün 15 çoxmənzilli yaşayış binasının, 80 yerlik uşaq bağçasının tikintisi ilə bağlı 3 müqavilə imzalayıb.

Marja.az xəbər verir ki, müqavilələrin cəmi məbləği 54 milyon 65 min manatdır.

VTB-də minimal faiz dərəcəsi ilə nağd kredit 10.49%-dən

Yaşayış kompleksi Bakı şəhəri, Binəqədi rayonu, Binəqədi qəsəbəsi, Mədən 1, korpus 5 ünvanında yerləşən 9,0 ha torpaq sahəsində tikiləcək.

"MİDA" MMC 14, 15, 16 nömrəli çoxmənzilli yaşayış binalarının və 80 yerlik uşaq bağçasının tikintisi üzüçün "Amal Group" MMC ilə 12 milyon 299 min manatlıq, 23, 24, 25, 26, 27 və 28 nömrəli çoxmənzilli yaşayış binalarının tikintisi üçün Hünər İnşaat Firması ilə 20 milyon 932 min manatlıq, 17, 18, 19, 20, 21 və 22 nömrəli çoxmənzilli yaşayış binalarının tikintisi üşün yenə "Amal Group" MMC ilə 20 milyon 834 min manatlıq müqavilələr imzlayıb.

MİDA mənzilləri güzəştli satır. "Güzəştli mənzil" dedikdə Azərbaycan Respublikasının Mənzil İnşaatı Dövlət Agentliyinin sərəncamında olan və vətəndaşların güzəştlə əldə edə biləcəyi mənzillər nəzərdə tutulur.

Belə mənzili əldə etdikdə vətəndaş iki əsas güzəştdən yararlana bilər:

1) Güzəştli mənzilin satış qiyməti yerləşdiyi ərazidəki digər analoji mənzillərin bazar qiymətindən aşağıdır.

2) Vətəndaş mənzili Azərbaycan İpoteka və Kredit Zəmanət Fondunun, müddəti 30 ilədək (4%-lik) olan güzəştli ipoteka krediti hesabına əldə etmək imkanına malikdir.

Eyni zamanda, mənzil vətəndaşa tam təmirli və mətbəx mebeli ilə təchiz olunmuş vəziyyətdə təklif edilir.

Güzəştli mənzili kim əldə edə bilər?

Güzəştlə mənzil əldə etmək hüququ olan şəxslərin kateqoriyaları “Azərbaycan Respublikasının Mənzil İnşaatı Dövlət Agentliyinin sərəncamında olan mənzilləri vətəndaşların güzəştlə əldə etməsi Qaydası” ilə müəyyən edilmişdir. Həmin kateqoriyalar ilə BU KEÇİD vasitəsilə tanış olmaq mümkündür.

Həmçinin oxu

Şirvanda ilk 8 bina dövlətə 28 milyon manata başa gələcək

31.08.2023 16:29

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az