Dollar indeksi ardıcıl 3 gün düşüb - GÜNƏ BAXIŞ

Dollar indeksi ardıcıl 3 gün düşüb - GÜNƏ BAXIŞ

Dollar indeksi ardıcıl 3 gün düşüb - GÜNƏ BAXIŞ

Son iqtisadi məlumatlardan sonra ABŞ Federal Ehtiyatlar Sisteminin (FED) faiz artımlarını dayandıra biləcəyi ehtimallarının artması fonunda dollar indeksi (DXY) ardıcıl üçüncü günü də enişlə başa vurdu.

ABŞ-dakı zəif iqtisadi məlumatların FED-in monetar siyasəti daha da sərtləşdirməsinə mane olacağı ehtimallarının təsiri ilə bütün major valyutalarda, eləcə də qızılda müsbət tendensiya müşahidə olunur.

VTB-də yüksək depozit faizləri daha çox qazandırır

Amerikada açıqlanan “JOLTS” Vakant İş Yerlərinin sayı məlumatlarının ardınca, dünən dərc olunan Özəl Sektorda Yeni Yaranan İş Yerlərinin Sayı (ADP) ilə bağlı məlumatlar da əmək bazarında yavaşlamanın yaşandığını göstərdi.

Çərşənbə günü açıqlanan statistik rəqəmlərə görə, ABŞ-da Özəl Sektorda Yeni Yaranan İş Yerlərinin Sayı avqust ayında pronozlaşdırılandan daha az, 177 min nəfər artıb. ABŞ-da ikinci rübüdə ÜDM-in həcminə dair artım məlumatları da 2.4%-dən 2.1%-ə redaktə edilib.

Ölkə iqtisadiyyatının ikinci rübdə proqnozlaşdırılandan az böyüdüyünü və əmək bazarı göstəricilərinin ehtimal edilənən çox yavaşladığını göstərən məlumatlardan sonra valyuta birjalarında qiymətlərin formalaşmasında FED-in sentyabr toplantısında uçot faizini sabit saxlayacağına dair ehtimallar 90%-ə çatıb.

Bugün isə Amerikada açıqlanacaq önəmli inflyasiya göstəricilərindən olan şəxsi gəlirlər, şəxsi xərclər, şəxsi xərclərin qiymət indeksi kimi statistik rəqəmlər valyuta birjalarında ciddi volatilliyə səbəb ola bilər. Ancaq eyni zamanda bu gün Avrozonada dərc olunacaq İstehlak Qiymətləri İndeksi, həmçinin, Avrozonada və Almaniyada açıqlanacaq əmək bazarı göstəriciləri də birjaların diqqət mərkəzində yer alacaq.

Çərşənbə günü dolların ucuzlaşması fonunda qızıl 1948$-a kimi bahalaşdı. Hazırda 1945$-dan təklif olunan qiymətli metalın qiyməti 1951$ həddini qırabilsə, artım tendensiyası 1961$ və 1970$-a kimi davam edə bilər.

Məlumat İnvest-AZ İnvestisiya Şirkətinin analitikləri tərəfindən hazırlanıb.

31.08.2023 11:28

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az