Qida məhsullarının idxalı ilə məşğul olan bu şikət sürətlə böyüyür - VƏZİYYƏTİNİ AÇIQLADI

Qida məhsullarının idxalı ilə məşğul olan bu şikət sürətlə böyüyür - VƏZİYYƏTİNİ AÇIQLADI

Qida məhsullarının idxalı ilə məşğul olan bu şikət sürətlə böyüyür - VƏZİYYƏTİNİ AÇIQLADI

Qida məhsulların idxalı və satışını həyata keçirən “Merano-Baku” ASC 2022-ci ili 3 milyon 29 min manat xalis mənfəət ilə başa vurub. Şirkət 2021-ci ili 1 milyon 822 min 307 manat, 2020-ci il isə 399 min 735 manat xalis mənfəət ilə bağlamışdı. Ötən il şirkətin xalis mənfəəti 66%, 2020-ci illə müqayisədə isə 7,6 dəfə artıb.

Marja.az Şirkətin sənədinə istinadən xəbər verir ki, şirkətin satışları ildənilə artıb. Belə ki, 2020-ci ildə Şirkətin məhsulların satışından gəlirləri 8 milyon 161 min manat ikən, 2021-ci ildə 15 milyon 28 min manata, 2022-ci ildə isə 20 milyon 989 min manata yüksəlib.

31 dekabr 2021-ci il tarixində “Merano-Baku” ASC 16 milyon 489 min manat cəmi aktivlərə malik olub. Şirkət 2021-ci ilin sonunda 10 milyon 310 min manat təmi aktivlərə malik idi.

Ötən il “Merano-Baku” şirkətinin kredti borcları (bank kreditləri) da artaraq 2021-ci ilin sonundakı 4 milyon 16 min manatdan 2022-ci ilin sonunda 5 milyon 993 min manata çatıb.

Şirkətin daimi işçilərinin sayı 2020-ci il üzrə 76 nəfər, 2021-ci il üzrə 56 nəfər; 2022-ci il üzrə 59 nəfər olub.

“Merano-Baku” ASC-nin səhmlərinin 100%-i Əsgərov Namiq Xanış oğluna məxsusdur.

Ümumilikdə 25 kateqoriya üzrə 480 çeşiddən çox məhsulun satışını təşkil edən “Merano-Baku” şirkəti, Amerika, Almaniya, İtaliya, İspaniya, Çexiya, Macarıstan,Rusiya, Türkiyə, BƏƏ, Polşa, Belçika, Belarusiya, Hindistan, Danimarka, Niderland, Fransa, Finlandiya, Yaponiya, Çin, Sinqapur, Tailand və.s kimi inkişaf etmiş ölkələrdən məhsulların idxalını təmin edir. Şirkət əsasən un məmulatları, makaron çeşidləri, qida əlavələri, müxtəlif növ yağ növləri, konservləşdirilmiş məhsullar, müxtəlif növ pendirlər, balıq məhsulları idxal edir.