Türkiyə Mərkəzi Bankının inflyasiya proqnozunda kəskin artım

Türkiyə Mərkəzi Bankının inflyasiya proqnozunda kəskin artım

Türkiyə Cümhuriyyəti Mərkəzi Bankının yeni sədri Hafize Gaye Erkan ictimaiyyət qarşısında ilk inflyasiya hesabatını təqdim edib. Erkan, TCMB-nin 2023-cü il üçün il sonu inflyasiya proqnozunu 22,3 faizdən 58 faizə qaldırdığını bildirib. Erkan deyib ki, TCMB-nin əsas məqsədi qiymət sabitliyidir.

Türkiyə Mərkəzi Bankının inflyasiya proqnozunda kəskin artım

Türkiyə Cümhuriyyəti Mərkəzi Bankının (TCMB) yeni sədri Hafize Gaye Erkan ilk inflyasiya hesabatı təqdimatında bankın il sonu inflyasiya proqnozlarında kəskin yüksəliş dəyişikliyi (reviziyası) etdiyini açıqlayıb.

Marja.az xəbər verir ki, Erkan, əvvəlki İnflyasiya Hesabatında 22,3% olan 2023-cü il üçün inflyasiya proqnozunun 58%-ə yüksəldildiyini açıqlayıb.

VTB-də minimal faiz dərəcəsi ilə nağd kredit 9.9%-dən

Erkan bildirib ki, pul siyasəti və faizin artırılması tədbirlərinin əsas inflyasiya trendinə müsbət təsirləri 2024-cü ilin ikinci rübündə müşahidə edilməyə başlayacaq.

TCMB sədri inflyasiyanın zirvəsinin 2024-cü ilin ikinci rübündə 60% ətrafında olacağını gözlədiklərini bildirib.

TCMB, Erkanın sədrliyi ilə keçirdiyi iki iclasda faizini 9 faiz bəndi artıraraq 17,50 faizə çatdırıb. Bank faizin artırılması prosesinin mərhələli olacağını vurğulayıb.

Seçkilərdən sonra məzənnə, vergi və maaş artımları ölkədə qiymətlərin yüksəlməsinə səbəb olur.

Daha əvvəl 5% olaraq açıqlanan 2025-ci ilin sonu üçün inflyasiya proqnozu 15%-ə qaldırılıb.

Beləliklə, hesabata görə, TCMB 5 faizlik inflyasiya hədəfinə qayıtmağın mümkün olmayacağını təxmin edir.

TCMB məzənnənin inflyasiyaya təsirini hesablayıb

Türkiyə Cümhuriyyəti Mərkəzi Bankı ilin üçüncü inflyasiya hesabatında inflyasiya dinamikası ilə bağlı ətraflı təhlillərə yer verib. Hesabatda məzənnədə 10 faiz artımın istehlak qiymətlərinə təsirinin bir il ərzində 2,5 faiz bəndi civarında olduğu qeyd edilib.