Qlobal bazarlarda son vəziyyət

Qlobal bazarlarda son vəziyyət

ABŞ Federal Ehtiyatlar Sisteminin (FED) sədri Jerom Pavel Konqresə təqdimatında faiz dərəcəsinin bu il bir qədər artırılacağına işarə vursa da, birjalarda dolların ucuzlaşdığı müşahidə olunub.

İnflyasiyanın 2%-lik hədəfə endirilməsi prosesində çox uzun bir yol olduğunu qeyd edən Pavel, Federal Açıq Bazar Komitəsi rəsmilərinin demək olar ki, hamısının ilin sonuna qədər faiz dərəcələrini bir az daha artırmağın məqsədəuyğun olduğunu düşündüklərini söylədi.

Monetar sərtləşdirmənin inflyasiya başda olmaq üzrə bütün təsirlərini görməyin zaman alacağını qeyd edən Pavel, bütün gələn məlumatlara və risk balanslarına, eləcə də təsirlərinə əsaslanaraq, iqtisadi aktivlik və inflyasiyanın görünüşü haqqında iclasdan iclasa qərarlarını verməyə davam edəcəklərini vurğuladı.

Atlanta FED-in sədri Rafael Bostiç də kredit sərtləşdirməsinin maliyyə qeyri-sabitliyi demək olmayacağını, lakin əlavə faiz artımları ilə irəliləyişin iqtisadiyyatdakı sürəti lazımsız olaraq azalda biləcəyini müdafiə etdi.

Sərt monetar siyasətin təsirlərinin hiss olunmasını gözləməyin ehtiyatlı davranış olacağını ifadə edən Bostiç, inflyasiyanın 2%-ə qayıtması üçün əmək bazarında daha çox yavaşlamanın lazım ola biləcəyinə diqqət çəkib.

FED sədri Jerom Pavel və digər FED rəsmilərinin açıqlamalarından sonra dollar indeksi 102.65 bənd həddindən 102 bənd həddinə qədər geril çəkilib. DXY 103.50 bənd həddinin altında qaldığı müddətcə eniş tendensiyası davam edə bilər.

Bu gün, İsveçrə, İngiltərə və Türkiyə Mərkəzi Banklarının faiz qərarları, ABŞ-da əmək və mənzil bazarlarına dair statistik rəqəmlər, eləcə də Bakı vaxtı ilə saat 18:00-da FED sədri Jerom Pavelin açıqlamaları dünya birjalarda dalğalanmalara, xüsusən də DXY-da tendensiyanın gedişinə ciddi təsir edə bilər.

Məlumat İnvestAZ şirkətinin analitikləri tərəfindən hazırlanıb.

22.06.2023 12:08

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az