Qlobal bazarlarda son vəziyyət - Günə Baxış

Qlobal bazarlarda son vəziyyət - Günə Baxış

Qlobal bazarlarda son vəziyyət - Günə Baxış

Cari ticarət həftəsinin ilk günü Amerikada milli bayramla əlaqədar bağlı olan birjalarda həftənin ilk ticarət günündə birjalarda əsas etibarilə üfüqi dalğalanma müşahidə olunub.

Analitiklər, ABŞ Federal Ehtiyatlar Sisteminin (FED) monetar siyasətinin gələcəyi ilə bağlı qeyri-müəyyənliklər dollar üzərində təzyiqləri artırır. Lakin FED sədri Jerom Pavelin bugün Konqresdəki çıxışı dolların qiymətlərinə ciddi təsri edə bilər.

FED-in sədr müavini Maykl Barr da FED-in bank nəzarətində cəld hərəkət etməkdə çətinliklərlə üzləşdiyini və FED-in tez hərəkətə keçməsi lazım olduğunu vurğulayıb.

Barr ABŞ-da bank sisteminin kifayət qədər güclü olduğunu, lakin sektorda hələ də bəzi narahatlıqların olduğunu bildirib.

Dünən açıqlanan makroiqtisadi göstəricilərə gəldikdə isə, ABŞ-da tikintisi yeni başlayan mənzil sayı may ayında proqnozları aşaraq 21.7% artıb və 1 milyon 631 minə yüksəlib. Tikinti üzrə icazələrin sayı isə may ayında aylıq müqayisədə 5.2% artaraq 1 milyon 491 minə çatıb.

Bu gün, FED sədri Jerom Pavelin Konqresdəki çıxışı ilə yanaşı, Bakı vaxtı ilə saat 10:00-da İngiltərədə dərc olunacaq inflyasiya göstəriciləri də investorların diqqət mərkəzində olacaq.

FED-in uçot faiz dərəcəsini dəyişməz saxlamasından sonra bazarlarda volatilliyin artdığını və sərtləşdirmə siyasətinin sona yaxınlaşdığına dair gözləntilərin artması fonunda DXY ötən həftəni 102 bənd səviyyəsində başa vurdu. Hazırda 102.55 həddində qərarlaşan dollar indeksi 103.50 bənd həddinin altında qaldığı müddətcə eniş tendensiyası davam edə bilər.

Məlumat İnvestAZ İnvestisiya Şirkətinin analitikləri tərəfindən hazırlanıb.

21.06.2023 09:00

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az