Daha bir xarici qurum Türkiyə Mərkəzi Bankının kəskin faiz artıracağını gözləyir

Daha bir xarici qurum Türkiyə Mərkəzi Bankının kəskin faiz artıracağını gözləyir

JPMorgan, Türkiyə Respublikası Mərkəzi Bankının (TCMB) iyun toplantısında faizini (uçot dərəcəsini) 8,50 faizdən 25 faizə qaldırmasının mümkün olduğuna diqqət çəkib.

Daha bir xarici qurum Türkiyə Mərkəzi Bankının kəskin faiz artıracağını gözləyir

Türkiyədə iqtisadi rəhbərliyin Mehmet Şimşəkə keçməsindən sonra xarici qurumlar bir-bir Türkiyə Cümhuriyyəti Mərkəzi Bankının (TCMB) siyasət faizində kəskin artım proqnozu verirlər.

Marja.az xəbər verir ki, "SocGen"in ardınca "JPMorgan" da iyun toplantısında Türkiyə Cümhuriyyəti Mərkəzi Bankının (TCMB) iddialı faiz artıracağını proqnozlaşdırır.

Bazar ertəsi ABŞ bankı JPMorgan tərəfindən verilən məlumatda, TCMB-nin 22 iyunda və ya "bəlkə də daha tez" pul siyasəti iclasında uçot dərəcəsini 25 faizə qaldıra biləcəyi qeyd edilib.

JPMorgan iqtisadçıları bildiriblər: "İyunun 22-də keçiriləcək iclasda və ya bəlkə də ondan əvvəl siyasət dərəcəsinin indiki 8,5 faizdən 25 faizə qaldırılacağı ehtimalı var. Biz ilin sonuna 30 faiz olan uçot dərəcəsi proqnozumuzu dəyişmək fikrində deyilik".

SocGen 6,5 faiz bəndi artım gözləyir

Fransanın iri maliyyə xidmətləri şirkəti "Societe Generale" ("SocGen") Türkiyə ilə bağlı yeni təhlilində TCMB-nin uçot dərəcəsini 22 İyunda 15 faizə qaldırılacağını proqnozlaşdırıb.

Qurumun müştərilərinə göndərdiyi məlumatda, Türkiyə ilə bağlı əsas risklərin ortodoksal (ənənəvi) siyasətə qayıtmamaq və yeni iqtisadi rəhbərliyin ixracı dəstəkləmək üçün valyutanı zəiflətməsi ehtimalıdır.

Qurum, TCMB-nin uçot dərəcəsini 22 iyunda 6,50 faiz bəndi artıraraq 8,5%-dən 15%-ə çatdırılacağını, ardından iyul və avqust aylarında hər birində 5,00 faiz bəndi də artırılacağını gözləyir.

TCMB sədrliyi üçün adı hallanan Hafize Gaye Erkan Ankarada yeni xəzinə və maliyyə naziri Mehmet Şimşək ilə görüşüb. Bloomberg-in xəbərinə görə, bazar ertəsi səhər Ankaraya gələn Erkan daha sonra Şimşək tərəfindən qəbul edilib.

Həmçinin oxu

Türkiyə Mərkəzi Bankının kəskin faiz artıracağı, Lirənin bahalaşacağı proqnozu verildi

06.06.2023 10:56

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az