Birjalarda qarışıq tendensiya - GÜNƏ BAXIŞ
ABŞ-da borc limiti və pul-kredit siyasəti ilə bağlı davam edən qeyri-müəyyənliklər fonunda çərşənbə axşamı birjalarda qarışıq tendensiya müşahidə olunub. Günün əvvəlində Avrozona və İngiltərədən gəlin zəif iqtisadi göstəricilər səbəbilə avro və funt-sterlinq ucuzlaşsa da, ABŞ-da proqnozların altında dərc olunan makroiqtisadi göstəricilər fonunda Amerika sessiyasında dollar bir qədər dəyər itirdi.
Son günlər birjalarda diqqət mərkəzində olan əsas məqam ABŞ prezidenti Co Bayden və Konqres liderləri arasında borc limiti ilə bağlı aparılan müzakirələrin nəticələridir.
ABŞ Konqresinin Nümayəndələr Palatasının sədri Kevin MakKarti Ağ Evdə dünən baş tutmuş görüşdən sonra verdiyi açıqlamada həftənin sonuna qədər razılığa gəlməyin mümkün olduğunu, bunun o qədər də çətin olmadığını bildirib.
Senatda azlıqların lideri Miç MakKonnell də defoltun olmayacağına əmin olduqlarını vurğulayıb. Senat çoxluğunun lideri Çak Şumer borc limiti ilə bağlı razılaşmaya daha yaxın olduqlarını bildirib.
Digər tərəfdən, ABŞ Federal Ehtiyatlar Sistemi (FED) rəsmilərinin monetar siyasətin gələcəyi ilə bağlı bəyanatları da investorlar tərəfindən diqqətlə izlənilir.
Riçmond FED sədri Tomas Barkin inflyasiyanın nəzarət altında olduğuna hələ də əmin olmadığını və zərurət olarsa, faiz dərəcələrinin daha da artırılmasını dəstəkləyəcəyini bildirib.
Nyu-York FED prezidenti Con Uilyams da inflyasiyanın qəbuledilməz dərəcədə yüksək olduğunu qeyd edib. İqtisadiyyatın daha normal səviyyələrə qayıtmağa başladığına diqqət çəkən Uilyams, tələb və təklifin yenidən balanslaşdırılmağa başladığını bildirib. İnflyasiyanın yavaş-yavaş doğru istiqamətə getdiyini bildirən Con Uilyams FED-in qərarlarının iqtisadiyyata təsir göstərməsinin zaman alacağını qeyd etdi.
Çikaqo FED sədri Oustan Qulsbi, iyun toplantısı üçün heç bir qərar vermədiyini ifadə edərək, faiz endirimlərini müzakirə etmək üçün hələ tez olduğunu bildirib.
Makroiqtisadi məlumatlar tərəfində, ABŞ-da pərakəndə satışlar aprel ayında aylıq müqayisədə 0.4% artıb ki, bu da proqnozlaşdırılandan daha aşağı göstəricidir.
Aprel ayında ölkədə sənaye istehsalın həcmi isə aylıq müqayisədə 0.5% artaraq ehtimalları üstələyib.
Bu gün isə Avrozonada açıqlanacaq İstehlak Qiymətləri İndeksi göstəriciləri və İngiltərə Mərkəzi Bankının sədri Endryu Beylinin çıxışı birjaların investorların diqqət mərkəzində olacaq.
Məlumat İnvestAZ İnvestisiya Şirkətinin analitikləri tərəfindən hazırlanıb.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
10 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
10 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
11 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
12 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 12 saat əvvəl
- 12 saat əvvəl
-
12 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
12 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 15 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























