Moskva birjasında avronun məzənnəsi 89 rublu ötüb. Avro 89,05 rubla (+2,01%) yüksəlib.

Marja xəbər verir ki, bu, 14 aprel 2022-ci ildən bəri ilk dəfədir.

Dolların məzənnəsi isə 81,15 rubla çatıb.

Dolların məzənnəsi 1,8% artaraq 81,28 rubla yüksəlib. Dolların məzənnəsi 2022-ci il aprelin 15-dən bəri ilk dəfə olaraq 81 rublu ötüb.

Yuan isə 1,85% bahalaşaraq 11,792 rubla yüksəlib.

Analitikləri bildiriblər ki, əlverişsiz xəbərlər fonunda rubl öz mövqelərini itirməkdə davam edir. Xüsusilə, Rusiya valyutasının zəifləməsini qeyri-rezidentlərin bir sıra strateji aktivlərdən çıxarılması, Maliyyə Nazirliyinin aprel ayında xarici valyuta satışının həcmini 74,6 milyard rubla qədər azaltması və gərgin geosiyasi vəziyyətdir.

Bloomberg Economics hesab edir ki, Rusiyanı tərk edən xarici şirkətlərin ümumi aktiv satışları keçən il 15 milyard dollardan 20 milyard dollara qədər dəyişib.

Qeyd olunur ki, hazırkı iqtisadi şəraitdə rublun zəifləməsini dayandıra biləcək heç bir müsbət amil yoxdur. Dollar 80-85 rubl diapazonunda yeni zirvəyə çatmağa çalışacaq,

Rusiyanı tərk edən şirkətlərin aktivlərinin satın alınması ilə əlaqədar kapital axını rublun zəifləməsini sürətləndirib. Rusiyanı tərk edən şirkətlərin aktivlərinin geri alınması prosesi davam edir. Ekspertlər hesab edir ki, bu cür aktivlərin satışı üçün xüsusi hökumət komissiyasının icazəsi lazımdır və görünür hakimiyyə tbelə əməliyyatlara icazə verməyə hazırdır.

Ekspertlərin sözlərinə görə, çox güman ki, hakimiyyət bununla da neftin nisbətən aşağı qiymətləri səbəbindən çətinliklər yaşayan büdcəni doldurmaq qərarına gəlib. Qeyri-dost ölkələrdən olan qeyri-rezidentlər Rusiyada satılan aktivlərin dəyərinin ən azı 10% -ni büdcəyə ödəməlidirlər.

Rusiya Mərkəzi Bankı 2023-cü il aprelin 7-nə dolların rəsmi məzənnəsini 80,67 rubl səviyyəsində, Avronun rəsmi məzənnəsi isə 88,13 rubl səviyyəsində müəyyən edib.