Azərbaycanın böyük texnoparkında iş təcrübəsi qazanmaq fürsəti

STP Şirkətlər Qrupu “Sabahın Gücü” İnkişaf Proqramının icrasına davam edir. Azərbaycanda və xarici ölkələrdə mühəndislik ixtisası üzrə ali və texniki təhsil pilləsinin sonuncu ilində tədris alan gənclər proqrama qoşulmağa dəvət olunurlar.

Azərbaycanın böyük texnoparkında iş təcrübəsi qazanmaq fürsəti

(®) Qabaqcıl texnologiya və təcrübəni özündə cəmləşdirən Sumqayıt Texnologiyalar Parkı regionun ilk və nəhəng sənaye parkı olaraq ölkənin qeyri-neft sektorunun inkişafı və insan kapitalının gücləndirilməsi missiyasını uğurla icra edir.

Əmək bazarının rəqabətədavamlı ixtisaslı mütəxəssislərlə təmin olunması və milli kadr potensialının daha da inkişaf etdirilməsi niyyətinə daim sadiq qalan STP istehsalatın mühəndislik və texniki peşələr sahəsində xüsusi potensialı və marağı olan gənclərin müəyyən edilməsi və yetişdirilməsi üçün ödənişli “Sabahın Gücü” İnkişaf Proqramını davam etdir! (Ödənişli təcrübə proqramı zamanı təcrübəçilərə müəyyən məbləğdə vəsait ödənilir - red).

Həm özünü, həm də vətənimizin qeyri-neft sektorunu inkişaf etdirmək amalının daşıyıcısı olan, Azərbaycanda və xarici ölkələrdə mühəndislik ixtisası üzrə ali və texniki təhsil pilləsinin sonuncu ilində tədris alan dəyərli gənclərimizi regionun ən böyük texnoparkında xarici və yerli mütəxəssislərdən iş təcrübəsi qazanmaq üçün inkişaf proqramına qoşulmağa dəvət edirik!

“Həvəslisən, demək, güclüsən” mottolu “Sabahın gücü” inkişaf proqramının üstünlükləri:

• Sahə üzrə praktiki və iş dünyası üçün vacib nəzəri biliklər

• Komanda işi və korporativ həyatla tanışlıq

• Unikal istehsalat təcrübəsi

• Yeni dostlar və peşəkar əlaqələr

STP-nin “Sabahın Gücü” İnkişaf Proqramının təqdim etdiyi imkanlardan faydalanaraq gələcək karyerasında ilk addımı atmaq istəyən gənclər sabahingucu@stp.az ünvanına müraciət edib ətraflı məlumatları əldə edə bilərlər.

Sumqayıt Texnologiyalar Parkı STP Şirkətlər Qrupu Sabahın Gücü sabahingucu mühəndislik texnopark iş təcrübəsi

16.04.2023 11:00

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az