Xarici turistlər bu rayona axır - 52 mindən çox
Bu il Qəbələyə keçən ildəkindən daha çox, 200 minə yaxın turistin səfər edəcəyi gözlənilir
Son illər Qəbələ rayonunda turizmin inkişafı üçün görülən işlər, inşa edilən yeni otel, istirahət və əyləncə mərkəzləri, yaradılan müasir infrastruktur, beynəlxalq mədəniyyət və idman tədbirləri rayona gələn turistlərin sayının ildən-ilə artmasına səbəb olur. Rayonun əsrarəngiz təbiəti və göstərilən yüksək xidmət də turistləri cəlb edən vacib amillərdir.
Qəbələ Turizm İnformasiya Mərkəzinin direktoru Anar Məhərrəmov bildirib ki, rayon gözəl təbiətinə, sıx meşələrinə, soyuq bulaqlarına, mənzərəli guşələrinə, çay və göllərinə, paytaxta yaxın olmasına və burada yaradılan müasir turizm infrastrukturuna görə turistlər üçün daha cəlbedicidir.
Otellərdən verilən məlumata görə, bu il yanvarın 1-dən iyulun 1-dək Qəbələyə 95 min 827 nəfər turist gəlib ki, bunun da 52 min 132-si əcnəbi olub.
Xarici turistlər əsasən müsəlman ölkələrinin vətəndaşlarıdır. Hesablamalara görə, Qəbələyə ötən 6 ayda 40 mindən çox ərəb turist gəlib.
Turistlərin istirahətinin mənalı təşkili üçün rayonda yüksək şərait yaradılıb. Hazırda demək olar ki, rayonun bütün otelləri, istirahət və əyləncə mərkəzləri turistlərlə doludur. Qəbələyə gələn turistlərin əksəriyyəti Rusiya, Türkiyə, Ukrayna, Latviya, İran, Birləşmiş Ərəb Əmirlikləri, Gürcüstan, Səudiyyə Ərəbistanı, Pakistan, Misir, İraq, Qətərdəndir. Qonaqlar Qəbələnin müasir otelləri ilə yanaşı, həm də çay və meşə kənarında yerləşən və sərfəli qiymətə kirayə verilən yüksək şəraitə malik kənd evlərində, kotteclərdə də dincəlirlər. Müxtəlif turizm şirkətləri Bakıdan Qəbələyə endirimli qiymətlərlə tur-aksiyalar keçirirlər. Onlar rahat nəqliyyat vasitələri ilə Qəbələyə gələrək sifariş etdikləri otellərdə yerləşir, sonra turizm şirkətinin nümayəndələri tərəfindən Qəbələnin tarixi abidələrinə, müasir istirahət və əyləncə mərkəzlərinə, mənzərəli yerlərinə tanışlıq səfərləri təşkil edilir.
Qeyd edək ki, hazırda rayonda irili-xırdalı 100-ə yaxın turizm-istirahət obyekti fəaliyyət göstərir. Həmin obyektlərdən 20-si beş, dörd və üçulduzlu otel və müasir istirahət mərkəzləridir. Bu turizm obyektlərində gün ərzində 3000 qonağı qarşılamaq, onlara yüksək səviyyədə xidmət göstərmək mümkündür.
2016-cı ildə Qəbələ rayonuna gələn turistlərin sayı 99 min 700 nəfər olub, bunun da 32 min 600 nəfəri xarici turistlərdir. Bu il rayona 200 minə yaxın turistin gələcəyi gözlənilir.
Rayonda turizmin inkişaf dinamikasına nəzər salsaq görərik ki, Qəbələyə turist axını hər il yüksələn templə davam edir. Məsələn, 2008-ci ildə Qəbələyə 14 min 630 turist gəldiyi halda, 2013-cü ildə bu rəqəm 45 mini keçib. 2015-ci ildə Qəbələ rayonuna gələn xarici və yerli turistlərin sayı 50 min 200 nəfər olub.
© Azərtac
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
8 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 12 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























