Neft keçən həftə ucuzlaşdıqdan sonra bahalaşıb

Neft keçən həftə ucuzlaşdıqdan sonra bahalaşıb

Brent markalı neftin qiyməti ötən həftə ucuzlaşdıqdan sonra bir barel üçün 83,65 dollara yüksəlib

Neft keçən həftə ucuzlaşdıqdan sonra bahalaşıb

Bazar ertəsi səhər dünya neft qiymətləri ticarət məlumatlarına görə, ötən həftə ərzində demək olar ki, 4% ucuzlaşdıqdan sonra artım nümayiş etdirir.

Marja xəbər verir ki, Bakı vaxtı ilə saat 10:07-yə olan məlumata görə, Brent markalı neftin aprel fyuçerslərinin qiyməti 0,80% artaraq bir barelə görə 83,65 dollara, WTI markalı neftin aprel fyuçersləri 0,82% artaraq 77,18 dollara çatıb.

VTB-də minimal faiz dərəcəsi ilə nağd kredit 10.49%-dən

Ötən həftə kotirovkalar təxminən 4% düşmüşdü, bu da bir sıra amillərlə, o cümlədən ABŞ hakimiyyətinin strateji ehtiyatdan daha çox neft satmaq niyyəti, iqtisadi tənəzzül ehtimalların güclənməsi, eləcə də həftə ərzində ABŞ-ın kommersiya ehtiyatlarının artımı ilə bağlı məlumatlar ilə əlaqədar idi.

Bazarların diqqəti ABŞ-ın Federal Ehtiyat Sisteminin (FED) siyasəti ətrafında qalır. FED mart ayında əsas uçot dərəcəsini yenidən qaldıra bilər. ABŞ Mərkəzi Bankı yüksək inflyasiya fonunda faizlərini ardıcıl 7 dəfə qaldırıb, bu da tənəzzül risklərini artırıb. Belə bir vəziyyət digər məsələlərlə yanaşı, neft tələbi ilə bağlı gözləntilərə də təsir edir. Bazarlar tənzimləyicinin faizlərini nə qədər sürətlə artıracağını, eləcə də aşağı dərəcələrə nə vaxt keçəcəyini qiymətləndirir.

Çərşənbə günü, fevralın 22-də, FED-in fevral ayı iclasının protokolları dərc ediləcək, burada pul siyasəti ilə bağlı siqnallar ola bilər. Cümə axşamı, fevralın 23-də dördüncü rübdə ABŞ ÜDM-i barədə məlumatlar açıqlanacaq. İqtisadiyyatla bağlı məlumatlar FED-in monetar siyasətinə dair proqnozlara, eləcə də əmtəə kotirovkalarının əks olunduğu dolların məzənnəsinə təsir göstərə bilər.

"Vanda Insights"ın qurucusu Vandana Hari Bloomberg-ə deyib: "İqtisadi əhval-ruhiyyə və maliyyə bazarları çox güman ki, ön planda qalacaq. Çinin açılması qarşıdakı həftələrdə nikbinliyin artmasına səbəb ola bilər".

20.02.2023 10:04

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az