Avropada təbii qazın birja qiymətləri 11%-dən çox düşərək min kubmetr üçün 660 dollara geriləyib.

Marja xəbər verir ki, son fyuçerslər 659,9 dollara (-11,3%) alınıb. 

Bir gün əvvəl Reuters xəbər vermişdi ki, ABŞ-ın mayeləşdirilmiş təbii qaz (LNG) zavodu "Freeport LNG" təmir işlərinin başa çatdığını elan edib və bəzi əməliyyatların bərpası üçün tənzimləyicidən icazə istəyib. Zavod ABŞ-dan LNG ixracının təxminən 20%-ni təmin edir. Ötən ilin sonunda ölkə LNG-nin ən böyük ixracatçısı olub və onun böyük hissəsini Avropaya göndərib ki, bu da regiona Rusiya qazının itirilmiş həcmlərini - təxminən 80 milyard kubmetri əvəz etməyə imkan verir.

dubai-property.investments

AD

Элитное жилье в Дубае (ОАЭ). Выгодные инвестиции!

Высокий спрос на жилье. Получайте до 15% дохода. Быстрая окупаемость. Звоните сейчас!

Узнать больше

Yanvarın 17-də Avropada qazın birja qiymətləri son 16 ayda ilk dəfə - 2021-ci il avqustun 31-dən min kubmetr üçün 600 dollardan aşağı düşüb. Ekspertlər qeyd ediblər ki, Avropa birjasında qazın qiyməti havaların isti keçməsi və güclü külək (külək stansiyaları elektrik enerjisi istehsalını artırıb), eləcə də Aİ-nin yeraltı qaz anbarlarında kifayət qədər qaz ehtiyatı səbəbindən ucuzlaşır.

Mövcud azalmaya baxmayaraq, qaz qiymətləri müşahidələrin uzun tarixi üçün orta göstəricidən iki dəfə çoxdur. Belə davamlı yüksək qiymətlər Avropada qaz qovşaqlarının istismarının bütün tarixində - 1996-cı ildən bəri görünməmişdir.

Avropada qazın qiyməti 2021-ci ilin yazında əhəmiyyətli dərəcədə artıb. Həmin vaxt TTF üzrə qaz kotirovkaları hər min kubmetr üçün 250-300 dollar intervalında dəyişirdi, yayın sonunda 600 dolları, payızda isə artıq 1000 dolları ötüb. 2022-ci ilin qışında qiymətlər min kubmetr üçün iki min dollar həddini keçib, yazın əvvəlində isə Rusiya enerji resurslarının idxalına qadağa qoyulması qorxusu ilə rekord həddə - min kubmetr üçün 3892 dollara çatıb.