Beşdən çox uşağı olan qadınlar daha çox müavinət alacaq

Beşdən çox uşağı olan qadınlar daha çox müavinət alacaq

5-dən çox uşağı olan qadınlar hər uşaq üçün 105 manat müavinət alacaqlar. 35 manat artırıldı.

Beşdən çox uşağı olan qadınlar daha çox müavinət alacaq

Beşdən çox uşağı olan qadınlara sosial müavinətin aylıq məbləği 2023-cü il yanvarın 1-dən hər uşaq üçün 105 manat müəyyən edilib.

Marja.az xəbər verir ki, bu barədə Azərbaycan Respublikasının Prezidenti Fərman imzalayıb.

VTB-də minimal faiz dərəcəsi ilə nağd kredit 10.49%-dən

Qeyd edək ki, beşdən çox uşağı olan qadınlara sosial müavinətin aylıq məbləği 35 manat artırılıb. İndiyədək 5-dən çox uşağı olan qadınlar hər uşaq üçün 70 manat müavinət alırdılar.

XXX

Beşdən çox uşağı olan qadınlara sosial müavinətin məbləğinin artırılması və “Beşdən çox uşağı olan qadınlara sosial müavinətin məbləğinin müəyyən edilməsi haqqında” Azərbaycan Respublikası Prezidentinin 2013-cü il 27 dekabr tarixli 72 nömrəli Fərmanında dəyişiklik edilməsi barədə Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Əhalinin sosial rifahının yaxşılaşdırılması sahəsində əlavə tədbirlər haqqında” Azərbaycan Respublikası Prezidentinin 2023-cü il 5 yanvar tarixli 3708 nömrəli Sərəncamının 2.1.2-ci yarımbəndinin icrasını təmin etmək məqsədilə qərara alıram:

1. Beşdən çox uşağı olan qadınlara sosial müavinətin aylıq məbləği 2023-cü il yanvarın 1-dən hər uşaq üçün 105 (yüz beş) manat müəyyən edilsin.

2. “Beşdən çox uşağı olan qadınlara sosial müavinətin məbləğinin müəyyən edilməsi haqqında” Azərbaycan Respublikası Prezidentinin 2013-cü il 27 dekabr tarixli 72 nömrəli Fərmanının (Azərbaycan Respublikasının Qanunvericilik Toplusu, 2013, № 12, maddə 1539; 2018, № 4, maddə 668; 2019, № 4, maddə 638; 2021, № 12, maddə 1360) 1-ci hissəsinə “müavinətin” sözündən sonra “aylıq” sözü əlavə edilsin və həmin hissədə “70 (yetmiş)” sözləri “105 (yüz beş)” sözləri ilə əvəz edilsin.

3. Azərbaycan Respublikasının Nazirlər Kabineti bu Fərmandan irəli gələn məsələləri həll etsin.

13.01.2023 10:40

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az