Cümə axşamı axşam dünya neft qiymətləri, Çindən bu növ xammala tələbatın artacağı gözləntiləri ilə 1,5%-dən çox artıb.

Marja xəbər verir ki, Brent markalı neftin mart fyuçerslərinin qiyməti 1,74% artaraq bir barel üçün 84,11 dollara qədər, WTI-nin fevral fyuçersləri 1,49% artaraq 78,56 dollara qədər yüksəlib.

Bakı vaxtı ilə saat 07:40-da Brent nefti 83,78 dollardan ticarət olunub. 

İnvestorlar dünyanın ən böyük neft istehlakçıları və idxalçılarından biri olan Çində neftə tələbatın artacağını gözləməkdə davam edirlər. Bundan əvvəl, yanvarın 8-də ölkədən xaricdən gələnlər üçün karantin və testlər tamamilə ləğv edilib. Beləliklə, məhdudiyyətlərin yumşaldılması ölkə iqtisadiyyatına müsbət təsir göstərə bilər ki, bu da öz növbəsində “qara qızıl”a tələbatı artıracaq.

Analitiklər bildirirlər ki, enerji treyderləri neft qiymətlərinin artacağına öyrəşməlidirlər. Neftə tələbat bərpa olunur və Çində tələbatın tezliklə kəskin artacağına dair böyük gözləntilər var.

Bundan əlavə, ABŞ-ın statistikası da neftin qiymətinin artmasına kömək edir. Dekabrda ABŞ-da illik inflyasiya bir ay əvvəlki 7,1%-dən 6,5%-ə enib. Aylıq ifadədə dekabrda ölkədə istehlak qiymətləri 0,1% düşüb. İllik inflyasiya analitiklərin proqnozlarına bərabər olub. İnflyasiya məlumatları ABŞ Federal Ehtiyat Sisteminin (FED) gələcək fəaliyyətləri ilə bağlı investorlar üçün əsas müəyyənedici amillərdən biridir. CME Qrupunun məlumatına görə, analitiklərin 91%-dən faizlərin artırılması tempinin 50 baza bəndindən 25 baza bəndinə qədər azalacağını gözləyir.

Beləliklə, ənənəvi yumşaq pul siyasəti dolların ucuzlaşmasına gətirib çıxarır ki, bu da neft kotirovkalarına müsbət təsir edir, çünki “qara qızıl” başqa valyutada alış üçün daha əlçatan olur. Dollar indeksi (ABŞ-ın ticarət tərəfdaşları olan altı ölkənin valyutalarından ibarət səbətə nisbətdə məzənnə) 0,67% azalaraq 102,5 bənd təşkil edib.