Tesla səhmləri 2020-ci ilin noyabrından bəri ən aşağı səviyyəyə düşdü

Tesla səhmləri 2020-ci ilin noyabrından bəri ən aşağı səviyyəyə düşdü

Musk şirkətin səhmlərinin bir hissəsini satdığı üçün Tesla səhmləri 2020-ci ilin noyabrından bəri ən aşağı səviyyəyə düşüb.

Tesla səhmləri 2020-ci ilin noyabrından bəri ən aşağı səviyyəyə düşdü

Tesla səhmlərinin qiyməti 2020-ci ilin Noyabr ayından bəri ən aşağı səviyyəyə geriləyib. Şirkətin səhmləri 7%-dən çox ucuzlaşaraq biri 180 dollardan da aşağı düşüb.

Marja xəbər verir ki, kotirovkalar şirkətin rəhbəri İlon Maskın (Elon Musk) bu şirkətin səhmlərinin bir hissəsinin son satışına reaksiya verir.

VTB-də yüksək depozit faizləri daha çox qazandırır

Bakı vaxtı ilə saat 08:00-da Tesla səhmləri 7,2% ucuzlaşma ilə 177,59 dollardan ticarət olunub. Sonuncu dəfə Tesla səhmləri 2020-ci ilin noyabrında belə aşağı səviyyədə ticarət edib.

Çərşənbə günü ABŞ Qiymətli Kağızlar və Birja Komissiyasının (SEC) sənədinə görə, Elon Musk təxminən 4 milyard dollar dəyərində 19,5 milyon Tesla səhmini satıb.

Eyni zamanda, Reuters çərşənbə axşamı bildirib ki, Tesla səhmlərinin ucuzlaşması investorların Muskın bu yaxınlarda aldığı Twitter-ə daha çox diqqət yetirəcəyindən qorxmaları ilə bağlıdır. İnvestorlar hesab edirlər ki, Tesla şirkətinə diqqət zəifləyə bilər. Bu səbəbdən bir çox investor Tesla səhmlərini satır. Qısası, investorlar qorxurlar ki, Twitter-i alan İlon Mask elektromobillər sahəsinə kifayət qədər diqqət yetirmir, halbuki bu seqmentdə rəqabət artmaqdadır. Oktyabrın sonundan bəri, Musk məhkəmə qərarı ilə Twitter-i satın almaq üçün müqavilə bağladıqdan sonra Tesla səhmləri artıq 15%-dən çox ucuzlaşıb. Forbes-in məlumatına görə, Tesla səhmlərinun ucuzlaşması ilə Maskın sərvəti artıq 192,4 milyard dollardan aşağı düşüb.

Amerika şirkəti Tesla Motors 2003-cü ildə elektrik nəqliyyat vasitələri və onlarla əlaqəli texnologiyaların istehsalçısı kimi təsis edilib. Elektrikli nəqliyyat vasitələri ilə yanaşı, şirkət öz texnologiyasından istifadə edərək akkumulyatorlar, elektrik mühərrikləri istehsal edir və onu Toyota və Daimler kimi digər avtomobil şirkətlərinə satır.

10.11.2022 08:04

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az