Bakı metrosunda yeddivaqonlu qatarlar

Bənövşəyi xəttdə yeddivaqonlu qatarların hərəkətinin təşkili ilə bağlı işlərə başlanılıb.
“Bakı Metropoliteni” QSC sədrinin imzaladığı 1284 nömrəli əmrə əsasən, xəttin “Xocəsən-8 Noyabr” sahəsinin hər iki yolunda yeddivaqonlu qatarlar istismara buraxılıb. Bu barədə Marja-ya QSC-dən bildirilib.
Qeyd edilib ki, müvafiq monitorinqlər, sorğular aparılıb, Bakının əsas inkişaf planı, sərnişin axınının istiqamətləri və bununla bağlı məsələlər hərtərəfli öyrənilib. Nəticədə, 2011-ci ildə dövlət başçısının təsdiq etdiyi Bakı metropoliteninin konseptual inkişaf sxeminə uyğun olaraq, 3 yeni xəttin inşası nəzərdə tutulub. Bakının inkişaf perspektivləri nəzərə alınmaqla, yeni xətlərdə stansiyaların sərnişin platformaları 7 vaqonlu qatarların hərəkətinə hesablanır.
2016-cı ildə istismara verilən Bənövşəyi xətdə cəmi iki stansiya olduğundan beşvaqonlu qatarların hərəkəti münasib bilinib. Hazırda 3 stansiyası istismarda olan xəttin yaxın gələcəkdə elektrik deposu və daha bir stansiyasının istifadəyə veriləcək. Bu səbəbdən texniki tələblərə uyğun qaydada yeddivaqonlu hərəkət parametrlərinə keçilib. Həmçinin Bənövşəyi xətdə 7 vaqondan ibarət qatarların hərəkəti üçün yeni tipli müasir idarəetmə sistemləri qurulur. Bununla əlaqədar “Bakı Metropoliteni” QSC sədrinin əmri ilə 2022-ci il avqust ayının 31-dən Bənövşəyi xəttin istismara hazırlanan sahəsində qatarların hərəkətinin işarəvermə sistemlərinə uzlaşdırılmasına başlanılıb. Qısa müddətdə işlər müvəffəqiyyətlə tamamlanıb. Sentyabrın 15-də İşçi komissiyanın yoxlamaları nəticəsində yeddivaqonlu qatar tərkiblərinin normativ-texniki sənədlərin tələblərinə uyğun istismarını təmin edən tədbirlər planı təsdiq olunub. Bununla bağlı Depolar üzrə iş departamenti formalaşdırılan yeddivaqonlu qatarlarda texniki tənzimləmələr aparıb. Qatarların hərəkət təhlükəsizliyi üzrə baş müfəttişlik, Hərəkət qatarlarının istismarı üzrə iş departamenti, Mərkəzləşdirilmiş dispetçer və Hərəkət xidmətlərinin iştirakı ilə baxış-yoxlama və sınaq xarakterli tədbirlər görülüb. Xətdə sınaq yürüşlərindən sonra, oktyabr ayının 12-dən beşvaqonlu qatarlara daha iki vaqonun əlavə olunması ilə yeddivaqonlu hərəkət tərkiblərinin formalaşdırılmasına və onların Bənövşəyi xətdə sərnişindaşıma prosesinə cəlb edilməsinə icazə verilib.
Buna uyğun olaraq, Mərkəzləşdirilmiş dispetçer xidməti yeddivaqonlu qatarların qış mövsümünə uyğun hərəkət qrafikini hazırlamağa başlayıb. Həmin qatarların xətdə sınaqları saat 22:00-dan başlayaraq, Xocəsən qəsəbəsində inşa edilmiş yerüstü stansiyadan dövr etməklə təmin olunub. Aparılmış uğurlu sınaqlara əsasən yeddivaqonlu qatarlar mərhələli şəkildə sərnişindaşıma prosesinə cəlb edilib. Hazırda xəttin bütün qatarları yeddivaqonlu olmaqla sərnişindaşıma prosesindədir.
Metropolitenin Qırmızı və Yaşıl xətləri yalnız beşvaqonlu qatarların hərəkəti üçün nəzərdə tutulub. 1967-ci ildə Bakı metropoliteni istismara verilərkən, üçvaqonlu qatarlardan istifadə olunurdu. 1974-cü ilin may ayından sərnişin tələbatının artması səbəbilə qatar tərkibləri dördvaqonlu olmaqla formalaşdırılıb. 1984-cü ilin yanvar ayından isə Qırmızı və Yaşıl xətlərdə qatarların beş vaqondan ibarət olmaqla komplektləşdirilməsinə başlanılıb.
Müştərilərin xəbərləri
SON XƏBƏRLƏR
- 2 ay sonra
-
2 gün sonra
Şüşə vitrinlərinizi çöl görüntüsünü pozmadan reklam sahəsinə çevirin!
-
32 d. əvvəl
“Magavto”nun avtomobil ehtiyat hissələri mağazasının fəaliyyəti dayandırıldı
-
📲 İndi
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az - 1 saat əvvəl
-
1 saat əvvəl
AYNA: Avtobus marşrutlarına onlayn bilet satışı 2 dəfəyə yaxın artıb
- 1 saat əvvəl
- 1 saat əvvəl
-
2 saat əvvəl
Ağdam Sənaye Parkında yeni şirkət - Dəmir qapı istehsal edəcək
-
2 saat əvvəl
"Kristal"dan hazır mənzil, hazır fürsət - Nərimanovda 4 otaqlı mənzillər satışda
- 3 saat əvvəl
- 3 saat əvvəl
-
3 saat əvvəl
2024-cü ilin dövlət büdcəsinin icrası üzrə məbləğlər məlum oldu
Son Xəbərlər

Azərbaycanda minik avtomobili istehsalı 100 ədəd artıb

İki sığorta şirkətinə icrası məcburi sərəncam verilib

Ağdam Sənaye Parkında yeni şirkət - Dəmir qapı istehsal edəcək

“Bazar ertəsi Rusiya ilə bağlı mühüm açıqlama verəcəyəm”

Kredit yarmarkalarında 1 milyon manata yaxın kredit ayrılıb

2024-cü ilin dövlət büdcəsinin icrası üzrə məbləğlər məlum oldu
.jpg)
AccessBank və Xəzər Universitetindən birgə inkişaf təşəbbüsü

Coca-Cola Azərbaycan minlərlə gəncin Məzun Gününə dəstək olub

Mayda Azərbaycanda orta maaş 1095 manat təşkil edib - RƏSMİ

Azərbaycan iqtisadiyyatı 1,5% artıb

Azərbaycanda "Danone" şirkəti ləğv olunur

Azər Türk Bankın 30 yaşı tamam oldu
