Qlobal kompüter bazarında rekord azalma

Qlobal kompüter bazarında rekord azalma

Qlobal kompüter bazarı 2022-ci ilin üçüncü rübündə iqtisadi qeyri-müəyyənliklər səbəbindən 19,5 faiz kiçilib. Məlumatlar ABŞ-ın Çinə texnologiya ixracına qarşı yeni sanksiyalar tətbiq etdiyi bir vaxtda yayılıb.

Qlobal kompüter bazarı iqtisadi qeyri-müəyyənliklər və satılmamış malların tədarüklərə mane olması ilə əlaqədar olaraq kiçilib.

Marja.az "Gartner" tədqiqat şirkətinin məlumatına istinadən xəbər verir ki, 2022-ci ilin üçüncü rübündə masaüstü kompüterlərin və noutbukların satışı ötən ilin eyni dövrü ilə müqayisədə 19,5 faiz azalıb. Bu azalma rəqəmi başqa bir araşdırma firması "Canalys" tərəfindən dərc edilən rəqəmə yaxındır. 19,5 faizlik azalma "Gartner"in iyirmi ildən artıqdır izlədiyi bazarda ən böyük enişdir.

VTB-də minimal faiz dərəcəsi ilə nağd kredit 9.9%-dən

Pessimist kompüter satışı rəqəmləri, ABŞ-ın keçən həftə Çinə çip və texnologiya ixracına qoyduğu çoxsaylı məhdudiyyətləri araşdıran qlobal texnologiya sənayesindəki qarışıqlıq dövrünə təsadüf edir.

Markalar üzrə 2022-ci ilin 3-cü rübündə kompüter satışları

Lenovo 17,1 milyon ədəd (satışı 15,3% azalıb), bazar payı: 25,2%

HP 12,7 milyon ədəd ( satışı 27,9% azalıb ), bazar payı: 18,7%

Dell 12 milyon ədəd (satışı 21,1% azalıb), bazar payı: 17,7%

Apple 5,8 milyon ədəd (satışı 15,6% azalıb), bazar payı: 8,5%

Asus 5,6 milyon ədəd (satışı 7,5% azalıb), bazar payı 8,2%

Acer 4,5 milyon ədəd (satışı 25,6% azalıb), bazar payı: 6,6%

"Bütün seqmentlər üzrə tələbin sürətlə pisləşməsi təkcə satıcılar üçün deyil, həm də təchizat zəncirindəki maraqlı tərəflər üçün narahatlıq doğuran vəziyyətə işarə edir", -"Canalys"in baş analitiki İşan Dutt bildirib. Onun sözlərinə görə, istehsalçılar istehsalı və gəlir proqnozlarını azaldırlar.

Dutt əlavə edib ki, bazar 2023-cü ilin ikinci yarısında bərpa oluna bilər.

"Gartner"ə görə, satışları təxminən 15 faiz azalsa da, üçüncü rübdə Lenovo ən çox kompüter satan şirkət olaraq qalıb. Üçüncü rübdə ilk beşlikdə yer alan şirkətlərdən ən çox HP-nin satışı azalıb (təxminən 28%).

HƏMÇİNİN OXU: Lenovo fərdi kompüterlərin satışı üzrə dünyada liderliyini qoruyub saxlayır

11.10.2022 15:11