İqtisadiyyat üzrə Nobel Mükafatının qalibləri açıqlandı
İqtisadiyyat üzrə Nobel Mükafatı 3-ə bölündü.
2022-ci il İqtisadiyyat üzrə Nobel Mükafatının qalibləri məlum olub.
Marja xəbər verir ki, Ben Şalom Bernank (Ben S. Bernanke), Duqlas Uorren Daymond (Douglas W. Diamond) və Filip Dibviq (Philip H. Dybvig) 2022-ci il İqtisadiyyat üzrə Nobel Mükafatını "Banklar və Maliyyə Böhranları üzrə Araşdırma"ya görə qazanıblar.
İsveç Kral Elmlər Akademiyasının yaydığı məlumatda, 10 milyon kron (900 min dollar) mükafatın 3 iqtisadçı arasında bölüşdürüləcəyi bildirilib.
"Banklar və Maliyyə Böhranları üzrə Araşdırma" bankların nə üçün mövcud olduğunu, böhranlar zamanı onları necə daha az kövrək edə biləcəyini və bank qəzalarının maliyyə böhranlarını necə kəskinləşdirdiyini aydınlaşdırıb. Bu tədqiqatın əsasları 1980-ci illərin əvvəllərində Ben Bernank, Duqlas Daymond və Filip Dibviq tərəfindən qoyulmuşdur. Onların araşdırması maliyyə bazarlarının tənzimlənməsində və maliyyə böhranlarının həllində böyük əhəmiyyət kəsb etmişdir.
Ben Bernank müasir tarixin ən böyük iqtisadi böhranı olan 1930-cu illərin Böyük Depressiyasını təhlil edib. O, banklardan pulların qəfil çıxarılmasının böhranın dərinləşməsi və uzanmasında necə müəyyənedici amil olduğunu göstərib. Təhlilə görə, banklar bağlananda borcalanlar haqqında qiymətli məlumatlar itirilir və onları tez bir zamanda bərpa etmək mümkün olmur. Beləliklə, cəmiyyətin əmanətlərinin investisiyalara yönəltmək qabiliyyəti ciddi şəkildə azalır.
Ben Bernank 2006-2014-cü illərdə FED-in sədri olub. Bernank 2008-ci il Qlobal Böhrandan sonra onun ekspansionist siyasətinə görə I Helikopter ləqəbini alıb.
Qeyd edək ki, Ben Şalom Bernank 1953-cü ildə ABŞ-ın Corciya ştatının Oqasta şəhərində yəhudi əsilli iqtisadçı ailəsində anadan olub. O, 2005-2006-cı illərdə Ağ Ev yanında İqtisadi məsləhətçilər şurasının sədri işləyib. 2006-2014-cü illərdə ABŞ Federal ehtiyat sistemi idarə şurasının sədr olub. B.Bernank 2021-ci ildən ABŞ Milli Elmlər Akademiyasının üzvüdür. 2009-cu ildə “Time” jurnalı onu “İlin adam”ı elan edib.
Duqlas Uorren Daymond 1953-cü ildə ABŞ-da anadan olub. “Merton Miller School of Business” adına amerikalı iqtisadçı maliyyə üzrə fəxri professorudur. O, Çikaqo Universiteti yanında Amerika Maliyyə Assosiasiyasının prezidenti və 2017-ci ildən ABŞ Milli Elmlər Akademiyasının üzvüdür.
Filip Dibviq isə 1955-ci ildə ABŞ-da anadan olub. O, Sent-Luisdəki Vaşinqton Universitetinin professorudur.
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Müştərilərin xəbərləri

WaterTech Bootcamp: Su ehtiyatlarının idarə olunmasında süni intellekt və innovasiya ilə gələcəyə doğru addım
SON XƏBƏRLƏR
- 1 ay sonra
-
1 gün sonra
Yüksək və etibarlı gəlir istəyənlər üçün – FINCA istiqrazlarının yeni buraxılışı başlayır
- 28 d. əvvəl
-
-
41 d. əvvəl
Sloveniya Azərbaycanı qaz infrastrukturunun inkişafına cəlb etmək istəyir
- 51 d. əvvəl
-
1 saat əvvəl
Sahibkarlara taxta altlıqlar, yeşiklər və paletlər ilə bağlı müraciət edildi
-
1 saat əvvəl
Hesablama Palatası ən çox təkrarlanan maliyyə pozuntularını açıqlayıb
-
2 saat əvvəl
Palata ilk 6 ayda 65 milyon manatlıq maliyyə pozuntusu aşkarlayıb
- 2 saat əvvəl
-
4 saat əvvəl
Lerikin Hamarmeşə–Bibiyani yolu əsaslı təmir olunacaq – 2 MİLYON MANATLIQ SƏRƏNCAM
-
4 saat əvvəl
Dövlət şirkəti 82 milyon manata yaxın gəlirə qarşı, 5 milyon manat xalis mənfəət əldə edib
- 5 saat əvvəl
Son Xəbərlər

Yüksək və etibarlı gəlir istəyənlər üçün – FINCA istiqrazlarının yeni buraxılışı başlayır

İsti hava şəraiti davam edəcək

Yeni zavod tikilir, hər il 28-30 min ton təzə alma alacaq

Dövlət şirkəti 82 milyon manata yaxın gəlirə qarşı, 5 milyon manat xalis mənfəət əldə edib
Ən çox oxunanlar

Sabahın hava proqnozu açıqlanıb

WaterTech Bootcamp: Su ehtiyatlarının idarə olunmasında süni intellekt və innovasiya ilə gələcəyə doğru addım

İri xarici bank Azərbaycan üçün yeni 5 illik strateji əməkdaşlıq planını təsdiqləyib

Mərkəzi Bankda bankirlər ilə görüş keçirilib

Dövlət Agentliyi qiymətli kağızlara investisiyalarını kəskin azaldıb, banklara depozit yerləşdirib

Mənzil İnşaatı Dövlət Agentliyinin xalis mənfəəti 3 dəfə azalıb

“OBA” marketlər şəbəkəsi əməkdaşlarının iş şəraitinin yaxşılaşdırılmasına investisiya yatırıb - VİDEO
