OPEC+ neft hasilatın bazar proqnozlarından daha böyük azaldılmasına hazırlaşır. Bu plan nefti daha da bahalaşdıra biləcəyindən tənəzzül narahatlıqlarını güclənib və qlobal bazarları mənfi təzyiq altında qoyub. Bazarlar həftəyə mənfi atmosferlə başlayıb.

Dollar yen və sterlinqə qarşı bahalaşmaqda davam edib.

Bloomberg Dollar İndeksi həftəyə 0,1% yüksəlişlə başlayıb. OPEC+ xəbərlərindən sonra əmtəə ixracı üstünlük təşkil edən ölkələrin valyutası dollar qarşısında bahalaşıb.Avstraliya və Yeni Zelandiya dolları ABŞ dollarına nisbətdə 0,4% bahalaşıb.

Dollar/yen məzənnəsi səhər saatlarında 145-i keçərək Yaponiya hökumətinin müdaxilə səviyyələrinə yaxınlaşıb.

Sterlinq Böyük Britaniyanın Maliyyə naziri Kvasi Kvartenqin Mühafizəkarlar Partiyası daxilindəki müxalifəti vergi planına razı salmaq üçün danışıqlar aparmağı başladığına dair xəbərdən sonra zəifləyir. Funt/dollar 1,11 səviyyəsindən 0,6% aşağı düşüb.

Asiya Sakit Okean səhmləri mövqelərini itirir. Honq Konqun Hang Seng, Avstraliyanın S&P/ASX indeksi 200 bənd dəyər itirərkən, Yaponiyanın Topix indeksi bir qədər yüksəlib. Asiyada Cənubi Koreya və Çin birjaları bu gün tətil olduğundan bağlıdırlar. ABŞ fond fyuçersləri aşağı düşüb.

Qızıl 0,3% bahalaşıb və qiyməti 1665 dollara çatıb.

OPEC+ koalisiyasında böyük ixtisarlara hazırlaşır

Neft hasilatının səviyyəsilə ilə bağlı qərarını vermək üçün çərşənbə günü (05 oktyabr 2022-də) iclas keçirəcək OPEC+ neft hasilatını bazar gözləntilərindən daha çox azaltmağa hazırlaşır.

Bloomberg-ə danışan nümayəndələrə görə, OPEC+ gündəlik neft hasilatını 1 milyon bareldən çox azalda bilər. Neft qiymətləri son zamanlar artan qlobal tənəzzül ehtimalları fonunda düşüb və bu, hasilatın daha çox azaldılması çağırışlarına səbəb olub. Nümayəndələrin söylədiyi 1 milyon rəqəmi reallaşarsa, bu, pandemiyadan bəri ən böyük istehsal azaldılması olacaq.

Rusiyanın Ukraynaya hücumundan sonra Brent markalı neft 125 dolları keçmiş, lakin artan inflyasiyaya qarşı mərkəzi bankların faiz artırmaq tədbirlərinin iqtisadiyyatları böhrana sürükləyəcəyi gözləntiləri neft qiymətlərini aşağı salıb.

OPEC+ın FED-in ardıcıl yüksək faiz artırmasına və onların inkişaf etməkdə olan bazarlarda tələbə təsirlərinə diqqət yetirdiyini bildirən Enerji Aspektləri üzrə analitik Amrita Sen, “Qrup mümkün qədər tez izafi neft hasilatının qarşısını almaq istəyir”,- deyib.