Azərbaycanda 4 şəhərlərarası müntəzəm avtobus marşrutlarını müsabiqəyə çıxarılıb

Azərbaycanda 4 şəhərlərarası müntəzəm avtobus marşrutlarını müsabiqəyə çıxarılıb

Azərbaycanda 4 şəhərlərarası müntəzəm avtobus marşrutlarını müsabiqəyə çıxarılıb

Rəqəmsal İnkişaf və Nəqliyyat Naziliyi yanında Azərbaycan Yerüstü Nəqliyyat Agentliyi (AYNA) şəhərlərarası sərnişindaşıma xidmətinin keyfiyyətinin artırılması ilə bağlı tədbirlər çərçivəsində Bakı - Astara - Bakı, Bakı - Lənkəran - Bakı, Astara - Bakı - Astara və Lənkəran - Bakı - Lənkəran şəhərlərarası müntəzəm avtobus marşrutlarını müsabiqəyə çıxarır.

"Marja" bu barədə nazirliyə istinadən xəbər verir.

VTB-də yüksək depozit faizləri daha çox qazandırır

Müsabiqə “Avtomobil nəqliyyatı haqqında” qanuna, Nazirlər Kabinetinin 3 aprel 2009-cu il tarixli qərarı ilə təsdiq edilmiş “Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi Qaydası”na uyğun təşkil edilir.

Müsabiqə şərtlərinə əsasən, Bakı - Astara - Bakı, Bakı - Lənkəran - Bakı və Lənkəran - Bakı - Lənkəran istiqaməti üzrə daşıyıcıların hərəsinin ən azı 2, Astara - Bakı - Astara istiqaməti üzrə isə daşıyıcıların ən azı 3 kiçik, orta və böyük tutumlu avtobusu olmalıdır.

İddiaçılar müsabiqədə iştirak etmək üçün tələb olunan sənədləri oktyabrın 27-si saat 17:00-dək, müsabiqə təklifləri toplusunu isə noyabrın 10-u saat 17:00-a qədər AYNA-ya təqdim etməlidirlər. Göstərilən vaxtdan gec təqdim olunan zərflər açılmadan geri qaytarılacaq. İddiaçıların təklifləri Agentliyin inzibati binasında Bakı - Astara - Bakı və Astara - Bakı - Astara istiqamətlərində ilk 5 Lot üzrə noyabrın 24-də, Bakı - Lənkəran - Bakı və Lənkəran - Bakı - Lənkəran istiqamətlərində 4 Lot üzrə noyabrın 25-də açılacaq. İddiaçılar və onların müvafiq qaydada rəsmiləşdirilmiş sənədlə müvəkkil etdikləri səlahiyyətli nümayəndələri prosesdə iştirak edə bilərlər.

30.09.2022 15:50

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az