Türkiyə, Rusiyanın "Mir" ödəniş sisteminin kartları ilə işləmək üçün yeni bank və ya hesablaşma mərkəzi yaratmağı nəzərdən keçirir.

Marja.az "İzvestiya" qəzetinə istinadən cəbər verir ki, bunu Rusiya-Türkiyə Biznes Şurasının (RTBC) direktoru Aleksey Eqarmin bildirib.

Eqarminin sözlərinə görə, Türkiyə tərəfi “Mir” sistemi ilə maliyyə əməliyyatlarının aparılması üçün alternativ variantları, o cümlədən ABŞ və Avropa İttifaqının sanksiya təzyiqindən asılı olmayan bankın yaradılmasını nəzərdən keçirir.

"Ola bilsin ki, bu, xüsusi bank, yaxud blokçeyn hesablaşmalarına və ya qapalı klirinqə əsaslanan xüsusi sistem olacaq. Ola bilsin, ayrıca hesablaşma mərkəzi", - RTDS direktoru bildirib. .

Rusiya Ticarət və Sənaye Palatasının Türkiyədəki (CCİ RF) nümayəndəsi İlya Kornilov bildirib ki, Rusiya vətəndaşlarının hələ də Türkiyə bankomatlarında kartlardan pul çıxarmaq imkanı var. "Əllərində Mir kartları olan Rusiya vətəndaşları Ziraat Bankın bankomatlarından vəsait nağdlaşdıra (limit 1,5 min türk lirəsi) bilirlər”.

Sentyabrın 16-da  Türkiyənin özəl bankları “İş Bankası” və “Denizbank”, ABŞ Maliyyə Nazirliyinin Rusiyanın xaricdə ödəniş sistemindən istifadəni genişləndirmək cəhdlərini dəstəklədiyinə görə sanksiyalar tətbiq etmək niyyətini açıqlamasından sonra “Mir” kartlarının qəbulunu dayandırdıqlarını açıqlayıb. Həmçinin, Türkiyədə “Mir” sisteminin kartları dövlət bankları olan "Ziraat Bankası", "VakıfBank" və "Halkbank" tərəfindən qəbul edilirdi. Türkiyənin NTV telekanalı dövlət banklarının çərşənbə axşamı səhər saatlarında Rusiya ödəniş sistemindən çıxmaq qərarına gəldiyini, lakin hələlik bu barədə rəsmi məlumat verilmədiyini bildirmişdi.

Türkiyə prezidenti Rəcəb Tayyib Ərdoğan ötən həftə aidiyyatı nazirliklərə ölkədə “Mir” kartlarından istifadənin alternativlərini işləyib hazırlamaq tapşırıb. Bu məsələ hökumətin sentyabrın 26-da keçirilən iclasında, eləcə də sentyabrın 23-də Prezidentin Maliyyə Nazirliyinin, Mərkəzi Bankın və aparıcı yerli bankların rəhbərləri ilə görüşündə müzakirə olunub.