Hindistanlı milyarder Amazon-un qurucusunu geridə qoydu

Hindistanlı milyarder Amazon-un qurucusunu geridə qoydu

Hindistanlı iş adamı Qautam Adani (Gautam Adani) varlılar siyahısında Amazon-un qurucusu Ceff Bezosu geridə qoyaraq dünyanın ikinci ən varlı adamı olub.

Hindistanlı milyarder Amazon-un qurucusunu geridə qoydu

“Adani Group” şirkətinin direktoru və qurucusu hindistanlı iş adamı Qautam Adani ABŞ-ın elektron ticarət nəhəngi “Amazon”un qurucusu Ceff Bezosu "taxt"dan salaraq, dünyanın ikinci ən zəngin adamı kimi siyahıda yerini tutub.

Marja xəbər verir ki, Bezosun sərvəti 145,8 milyard dollara düşdükdən sonra Adani 146,9 milyard dollar sərvəti ilə siyahıda ikinci yerdə qərarlaşıb. 1-ci yerdə 260 milyard dollarlıq sərvətlə Tesla və SpaceX-in qurucusu İlon Mask qərarlaşıb.

Analitiklər sərvət reytinqindəki dəyişikliyin qısamüddətli ola biləcəyini və bu il 26 faizdən çox ucuzlaşan Amazon səhmləri ilə bağlı olduğunu düşünürlər.

Asiyanın ən varlı iş adamı

Bloomberg Milyarderlər İndeksində 2022-ci ilə 14-cü yerdən başlayan və siyahıda sürətlə irəliləyən Adani tərəfindən qurulan "Adani Enterprises Ltd." şirkətinin səhmləri bu həftə rekord bahalaşıb. Digər tərəfdən, “Adani Group”a daxil olan şirkətlər 2020-ci ildən bəri 1000 faizdən çox böyüyüb.

Fevral ayında Asiyanın ən varlı iş adamı olan hindistanlı milyarder Mukesh Ambani keçən Adani son iki ayda Bill Qeyts və fransalı Bernard Arnonu da "taxtdan" salıb. Bir asiyalı iş adamı ilk dəfə olaraq ABŞ texnologiya sahibkarlarının üstünlük təşkil etdiyi indeksin ilk yerlərinə daxil olub.

Adaninin qurucusu olduğu "Adani Qrup"unun neft-kimya, aerokosmika, müdafiə və məlumat mərkəzləri daxil olmaqla bir çox sektorda investisiyaları var. Son zamanlar Adani Səudiyyənin neft nəhəngi Aramco-da müştərək müəssisə də daxil olmaqla tikinti, polad kimi bir çox sahədə fəaliyyət göstərir.

17.09.2022 14:34