Guardian: Üzərində II Elizabetin şəkli olan əskinasların yenilənməsi ən azı iki il çəkəcək

Guardian: Üzərində II Elizabetin şəkli olan əskinasların yenilənməsi ən azı iki il çəkəcək

Dövriyyədə 80 milyard funt sterlinq dəyərində 4,5 milyard Kraliça əskinasları var

Guardian: Üzərində II Elizabetin şəkli olan əskinasların yenilənməsi ən azı iki il çəkəcək

II Yelizavetanın portreti olan mövcud Britaniya əskinaslarının kral III Çarlzın təsviri olan yeniləri ilə əvəzlənməsi prosesi ən azı iki il çəkəcək.

Marja xəbər verir ki, bu barədə Guardian məlumat yayıb.

Nəşr xatırladır ki, İngiltərə Bankı 50 funt sterlinqlik kağız əskinasları tədavüldən çıxarmaq və onları polimerlərlə əvəz etmək üçün 16 ay çəkmişdi. Eyni zamanda tədavüldə II Yelizavetanın təsviri olan 4,5 milyard pul əskinaslarının ümumi dəyəri 80 milyard funt-sterlinq təşkil edir. Qəzet yazır ki, onların yeni monarxın əks olunduğu alternativ əskinaslarla əvəzlənməsi ən azı iki il çəkəcək.

Bundan əvvəl İngiltərə Bankı II Yelizavetanın təsviri olan sikkə və əskinasları dəyişdirməyi planlaşdırdığını açıqlamışdı. Bu proses təkcə Böyük Britaniyaya deyil, həm də Avstraliya, Kanada, Yeni Zelandiya, Yamayka və rəhbəri hələ də formal olaraq Britaniya monarxı olan onlarla başqa ölkəyə təsir etməlidir.

Sentyabrın 8-də Bukinqem Sarayı Kraliça II Elizabetin vəfatını elan edib. Britaniya tarixində 70 il 7 ay hakimiyyətdə olan kraliça 96 yaşında vəfat edib. Yeni monarx onun böyük oğlu, III Çarlz adını alan 73 yaşlı Çarlzdır. 15 ölkədə rəsmi dövlət başçısı olmuş II Elizabetin vəfatı ilə əlaqədar sentyabrın 9-dan Böyük Britaniyada 10 günlük matəm elan edilib.

Avstraliya sikkələrdəki II Elizabetın şəkilini III Çarlzın portreti əvəz edəcək

Böyük Britaniyanın vəfat etmiş kraliçası II Elizabetin portreti olan Avstraliya sikkələri tədricən Kral III Çarlzın profilini əks etdirən yeniləri ilə əvəz olunacaq. Bu barədə cümə günü ölkənin Ehtiyat Bankı (RBA) məlumat yayıb.

Rəhbəri rəsmi olaraq Britaniya monarxı olan Yeni Zelandiya sikkəxanası bildirib ki, kraliçanın ölümündən sonra onun bütün yeni sikkələr və 20 Yeni Zelandiya dolları əskinaslarındakı portreti Kral III Çarlzın şəkli ilə əvəz olunacaq, lakin bu, tezliklə baş verməyəcək.

09.09.2022 08:56

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az