Samsung, serverlərinə kiberhücum aşkar etdiyini, istifadəçi məlumatlarının oğurlana biləcəyini açıqladı

Samsung, serverlərinə kiberhücum aşkar etdiyini, istifadəçi məlumatlarının oğurlana biləcəyini açıqladı

Samsung, serverlərinə kiberhücum aşkar etdiyini, istifadəçi məlumatlarının oğurlana biləcəyini açıqladı

Cənubi Koreyanın texnologiya nəhəngi Samsung, iyul ayında kiber hücuma məruz qaldığını və ABŞ-dakı serverlərə olmuş hücumda bəzi istifadəçi məlumatlarının oğurlana biləcəyini açıqlayıb.

Marja xəbər verir ki, bu hadisədən sonra Samsung müştərilərinə kiberhücum və oğurlanmış məlumatlar haqqında məktub göndərib.

VTB-də minimal faiz dərəcəsi ilə nağd kredit 9.9%-dən

“Hörmətli müştərilər, təhlükəsizlik Samsung-da bizim əsas prioritetimizdir. Sizə bildirmək istəyirik ki, Samsung bu yaxınlarda kibertəhlükəsizlik pozuntusu aşkar edib. İyulun sonunda icazəsiz üçüncü tərəf Samsung-un ABŞ serverlərindən bəzi məlumatları əldə edib. Avqustun 4-də serverlərimizə hücum olduğunu aşkar etdik. Təsirə məruz qalan sistemləri daha təhlükəsiz etmək üçün lazımi tədbirlər gördük və hüquq-mühafizə orqanları ilə əməkdaşlıq edirik”,- məktubda deyilir.

Samsungun ABŞ serverlərinə edilən hücumda müştərilərin kredit kartı nömrələri və ya sosial təhlükəsizlik nömrələri kimi məlumatların ələ keçirilmədiyi, Samsung müştərilərinin adları, əlaqə məlumatları, demoqrafik məlumatlar, doğum tarixləri və məhsul satın almaları kimi məlumatların oğurlana biləcəyi qeyd edilib.

Şirkət lazımi tədbirləri gördüyünü və hər hansı bir cihazın təhlükədə olmadığını bildirib, istifadəçilərin şübhəli e-poçt və fəaliyyətlərdən ehtiyatlı olmaları barədə xəbərdarlıq edib.

Samsung-un sözçüsü Chris Langlois, oğurlana biləcək demoqrafik məlumatların marketinq və reklam üçün istifadə edilən müştəri məlumatlarını ehtiva etdiyini, lakin ələ keçirilən məlumatların təfərrüatlarını şərh edə bilməyəcəyini deyib.

Sözçü, nə qədər müştərinin məlumatının oğurlandığı və nə üçün Samsung-un müştərilərə məlumat verməsinin bir aydan çox çəkdiyini açıqlamayıb. "İstintaq davam edərkən, biz müştərilərimizi bu barədə məlumatlandırmaq istədik, çünki onların məxfiliyinin nə qədər vacib olduğunu başa düşürük",- Langlois deyib.

05.09.2022 07:59