"Qərb, uğursuz cəhdlərinə baxmayaraq Rusiyaya qarşı yeni cəbhə açır" - NEFT QİYMƏTLƏRİ DAHA DA ARTA BİLƏR

"Qərb, uğursuz cəhdlərinə baxmayaraq Rusiyaya qarşı yeni cəbhə açır" - NEFT QİYMƏTLƏRİ DAHA DA ARTA BİLƏR

G7-nin maliyyə nazirləri Rusiya neftinin qiymətini məhdudlaşdırmaq planını təsdiqləyəcəklər - WSJ

"Qərb, uğursuz cəhdlərinə baxmayaraq Rusiyaya qarşı yeni cəbhə açır" - NEFT QİYMƏTLƏRİ DAHA DA ARTA BİLƏR

Yeddilik ölkələrinin (G7) maliyyə nazirləri cümə günü keçiriləcək iclasda Rusiya neftinin qiymətinin məhdudlaşdırılması planını təsdiq edəcəklər.

Marja xəbər verir ki, bu barədə çərşənbə günü mənbələrə istinadən The Wall Street Journal (WSJ) məlumat yayıb.

VTB-də yüksək depozit faizləri daha çox qazandırır

Sənədin məzmunu ilə tanış olan nəşrin həmsöhbətlərinin sözlərinə görə, planda Rusiya neft məhsulları üçün qiymət həddinin müəyyən edilməsi də nəzərdə tutulur. Qəzet yazır: "Qərb, Rusiyanın enerji gəlirlərini azaltmaq üzrə böyük ölçüdə uğursuz cəhdlərində yeni cəbhə açır. Rəsmilər qiymət həddinin necə işləyəcəyi ilə bağlı bir sıra çətin sualları həll etməyə çalışırlar".

Nəşrdə qeyd edilib ki, dekabr ayına qədər məhdudiyyətlərin yekun mexanizmi hazırlanmalıdır. G7 ölkələri Rusiya neftinin qiymətlərini onun hasilat maya dəyərindən yuxarı, lakin hazırkı bazar qiymətlərindən xeyli aşağı müəyyən etmək niyyətindədir.

Təşəbbüsün müəllifləri ehtiyat edirlər ki, tədbirlər Rusiya Federasiyasını hasilatı azaltmağa məcbur edə və dünya enerji qiymətlərinin daha da artmasına səbəb ola bilər.

ABŞ-ın maliyyə naziri Janet Yellen çərşənbə günü Vaşinqtonda britaniyalı həmkarı Nadeem Zahavi ilə görüşü zamanı bildirib ki, G7 ölkələri Rusiya neftinin qiymətinin məhdudlaşdırılmasında əhəmiyyətli irəliləyiş əldə ediblər.

Avropa İttifaqı və ABŞ-ın Rusiya neftinin alınmasına tətbiq etdiyi embarqo qiymətlərin kəskin artmasına səbəb olub. Bu, Rusiya Federasiyasına böyük həcmdə xammalı kiçik endirimlə satmaqla da olsa digər bazarlara - ilk növbədə Hindistan və Çinə yönləndirməyə və hətta gəlirləri artırmağa imkan verib. Avropa İttifaqı və ABŞ inflyasiyanın yayılma təsiri də daxil olmaqla itkilərə məruz qalır.

Rusiya Federasiyası Baş nazirinin müavini Aleksandr Novak bu cür addımları bazar mexanizmlərinə müdaxilənin növbəti cəhdi adlandırıb, onun fikrincə, bu, yalnız bazarda balansın pozulmasına, enerji resurslarının çatışmazlığına və qiymətlərin artmasına gətirib çıxara bilər.

01.09.2022 13:51

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az