Yayda Avropada qazın qiyməti təxminən 3 dəfə artıb

Yayda Avropada qazın qiyməti təxminən 3 dəfə artıb

Əgər iyunun 1-də Avropada qaz fyuçerslərinin qiyməti 1000 kubmetr üçün təxminən 960 dollar təşkil edirdisə, avqustun 31-də ticarət 2490 dollar səviyyəsində bağlanıb.

Marja-nın məlumatına görə, beləkilə, təbi qazın birja qiyməti yayın əvvəli ilə müqayisədə 2,6 dəfə yüksəlib.

VTB-də minimal faiz dərəcəsi ilə nağd kredit 10.49%-dən

Qazın qiyməti avqust ayında martın əvvəlindən bəri ilk dəfə olaraq 3541 dollara qalxaraq tarixi rekorda yaxınlaşıb. 2022-ci il martın 7-də qazın birja qiyməti az qala 3900 dollara çatmışdı.

İyun ayında Avropada qazın orta qiyməti 1000 kubmetr üçün təxminən 1240 dollar, iyulda təxminən 1850 dollar, avqustda isə 2515 dollar təşkil edib.

Qiymətlərin bu qədər artımasının əsas səbəblərindən biri “Şimal axını” ilə qaz nəqlinin azalması olub – iyulun 27-dən bir neçə qaz turbininin dayanması səbəbindən kəmər maksimum gücün cəmi 20%-i həcmində istismar edilib.

Avqustun 31-də “Şimal axını” ilə təchizat yenidən tamamilə dayanıb, bu, istismarda qalan yeganə qaz nasos qurğusunda aparılan təmir işləri ilə əlaqədar. İşlər başa çatdıqdan sonra və avadanlıqlarda texniki nasazlıq olmadıqda, qazın nəqli bərpa ediləcək.

Həmçinin avqustun son günlərində Asiya bazarının Avropa bazarı ilə LNG uğrunda mübarizəsi meydana çıxıb ki, bu da qiymətlərə əlavə təzyiq göstərir. Bundan əlavə, iyun ayında ABŞ-ın ən böyük LNG terminallarından birində - Texasdakı Freeport LNG-də qəza baş verib. Müəssisənin işinin qismən bərpası yalnız noyabrın əvvəlində və ya ortalarında baş verə bilər.

Qiymətlər barədə proqnozlar

“Qazprom”un rəhbəri Aleksey Miller qeyd edib ki, hazırda qaz bazarında “qiymət rallisi” müşahidə olunur və payız-qış dövründə 1000 kubmetr üçün qiymət 4000 dolları keçə bilər.

Ekspertlər, kəskin soyuqlar və anbarda ehtiyatların azalması halında qışda qazın qiymətinin 1000 kubmetr üçün rekord həddə - 5000 dollara qalxacağını gözləyirlər.

01.09.2022 11:24