Türkiyə Statistika Təşkilatı (TÜİK) iyul ayı xarici ticarət statistikasını açıqlayıb.

Marja xəbər verir ki, xarici ticarət kəsiri iyul ayında ötən ilin iyul ayı ilə müqayisədə 147% artaraq 10,69 milyard dollar təşkil edib. 

İyul ayında ixrac əvvəlki ilin eyni ayı ilə müqayisədə 13,4% artaraq 18 milyard 551 milyon dollar, idxal isə 41,4% artaraq 29 milyard 240 milyon dollar olub. 

Yanvar-iyul dövründə ixrac 19,1 faiz, idxal isə 40,7 faiz artıb.

2022-ci ilin yanvar-iyul dövründə ixrac ötən ilin eyni dövrü ilə müqayisədə 19,1 faiz artaraq 144 milyard 331 milyon dollara, idxal isə 40,7 faiz artaraq 206 milyard 508 milyon dollara çatıb.

Yanvar-iyul dövründə xarici kəsiri 143,7 faiz artıb

Yanvar-iyul dövründə xarici ticarət kəsiri 143,7 faiz artaraq 25 milyard 510 milyon dollardan 62 milyard 177 milyon dollara yüksəlib. 2021-ci ilin yanvar-iyul aylarında ixracın idxala nisbəti 82,6 faiz olduğu halda, 2022-ci ilin eyni dövründə 69,9 faizə enib.

Xarici ticarət kəsiri 147 faiz artıb

İyul ayında xarici ticarət kəsiri ötən ilin eyni ayı ilə müqayisədə 147,0% artaraq 4 milyard 329 milyon dollardan 10 milyard 690 milyon dollara yüksəlib.  İqtisadçıların proqnozu xarici ticarət kəsirinin 10,6 milyard dollar olacağı istiqamətində idi.

Enerji məhsulları və qızıl istisna olmaqla, ixrac 7,4 faiz, idxal isə 19,3 faiz artıb.

Enerji məhsulları və qeyri-monetar qızıl istisna olmaqla, ixrac 2022-ci ilin iyul ayında 7,4 faiz artaraq 15 milyard 665 milyon dollardan 16 milyard 820 milyon dollara yüksəlib.

İyul ayında enerji məhsulları və qeyri-monetar qızıl xaric idxal 16 milyard 560 milyon dollardan 19,3 faiz artaraq 19 milyard 763 milyon dollara yüksəlib.

İyulda enerji məhsulları və monetar qızıl xaric ticarət kəsiri 2 milyard 943 milyon dollar olub. Xarici ticarət həcmi isə 13,5% artaraq 36 milyard 582 milyon dollara çatıb. Sözügedən ayda enerji və qızıl istisna olmaqla ixracın idxala nisbəti 85,1% olub.

2021-ci ilin iyul ayında ixracın idxala nisbəti 79,1 faiz olduğu halda, 2022-ci ilin iyul ayında 63,4 faizə enib.