Nobel mükafatlı iqtisadçı: Neft qiymətləri, inflyasiya düşəcək

Nobel mükafatlı iqtisadçı: Neft qiymətləri, inflyasiya düşəcək

Nobel mükafatlı iqtisadçı Cozef Stiqlitz son vaxtlar onu ən çox narahat edən məsələnin FED-in sürətli və həddindən artıq addımları olduğunu bildirib. "Unutmayaq ki, pul siyasətinin öz təsirini göstərməsi üçün 18 ay lazım olur", - Stiqlitz bildirib.

Nobel mükafatlı iqtisadçı: Neft qiymətləri, inflyasiya düşəcək

Nobel mükafatı laureatı iqtisadçı Cozef Stiqlitz enerji qiymətlərinin uzunmüddətli perspektivdə azalacağını və gələcəkdə inflyasiyanın sürətinin düşəcəyini bildirib.

Marja xəbər verir ki, bu mərhələdə sözügedən prosesin vaxtı ilə bağlı dəqiq bir proqnoz verməyən Stiglitz, onu narahat edən məsələnin FED-in sürətli və həddən artıq çox addım atması olduğunu bildirib.

VTB-də minimal faiz dərəcəsi ilə nağd kredit 10.49%-dən

Bloomberg-in yayımına qatılan Stiglitz-in diqqət çəkən açıqlamaları:

"İnflyasiyanın böyük hissəsi təklif tərəfdən qaynaqlanır. Ukraynadakı müharibə səbəbindən enerji və neft qiymətləri yüksəlib. Bu başa düşüləndir, çox da uzun olmayan müddətdə qiymətlər geri qayıdacaq.

Bizim məhdudiyyətsiz bərpa olunan enerji istehsal etmək imkanımız var. Belə getsə, neftdə 40-50 dollarlardan danışılacaq. Gələcəkdə dezinflyasiya görəcəyik, amma bunun nə vaxt olacağını bilmirəm.

Təchizat xəritəsi dəyişəcək. Çinlə rəqabət apara biləcək ucuz yerlər var. Düşünürəm ki, yenidən uyğunlaşma üçün bir neçə il lazım olacaq. Biz buna demək olar ki, hazırıq.

Məni narahat edən Fed-in çox sürətli və çox hərəkət etməsidir. Unutmayaq ki, pul siyasətinin öz təsirini göstərməsi üçün 18 ay lazım olur. Rusiya-Ukrayna müharibəsi bitərsə, enerji qiymətləri aşağı düşəcək, bu da dezinflyasiya yaradacaq.

Yanacağın qiymətləri geri qayıdacaq və biz hazırda bunun əlamətlərini görürük.

Son 50 ildə dövlət siyasəti fermerlərə “çox məhsul verməyin” deyib. Bu siyasəti tərsinə çevirsək, kənd təsərrüfatı məhsullarının qiyməti aşağı düşəcək".

04.08.2022 14:34

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az