Qlobal ticarət ilin birinci rübündə rekorda imza atıb

Qlobal ticarət ilin birinci rübündə rekorda imza atıb

Birləşmiş Millətlər Təşkilatının Ticarət və İnkişaf Konfransı (UNCTAD) bu ilin birinci rübündə qlobal ticarətin rekord həddə - 7,7 trilyon dollara çatdığını bildirib.

Qlobal ticarət ilin birinci rübündə rekorda imza atıb

Birləşmiş Millətlər Təşkilatının Ticarət və İnkişaf üzrə Konfransı (UNCTAD) iyul ayı üçün qlobal ticarət hesabatını açıqlayıb.

Marja xəbər verir ki, mal və xidmət ticarətini əhatə edən qlobal ticarətin dəyəri 2022-ci ilin birinci rübündə keçən ilin eyni dövrü ilə müqayisədə təxminən 1 trilyon dollar artaraq rekord həddə - 7,7 trilyon dollara çatıb.

Qlobal ticarətin dəyərinin 2022-ci ilin birinci rübündə 2021-ci ilin son rübü ilə müqayisədə təqribən 250 milyon dollar artdığı qeyd edilib. Hesabatda, ticarətin miqdarının (həcminin) aşağı sürətlə artdığı və dəyərin artmasının isə yüksək əmtəə qiymətlərilə əlaqədar olduğu qeyd edilib.

“Ukraynadakı müharibə beynəlxalq ticarətə təsir etməyə başlayır”

Ticarətin artımasının 2022-ci ilin ikinci rübündə yavaşlamağa davam etdiyinə diqqət çəkən hesabatda, "Ukraynadakı müharibə, böyük ölçüdə qiymət artımları vasitəsilə beynəlxalq ticarətə təsir etməyə başlayır",- deyilir.

Hesabatda beynəlxalq ticarətdəki müsbət tendensiyanın sərtləşdirilən siyasətlər və geosiyasi gərginliklər səbəbilə tezliklə sona çata biləcəyinə diqqət çəkilib. Hesabatda, artan faiz dərəcələri və iqtisadi təşviq paketlərinin sona çatmasının 2022-ci ilin qalan hissəsi üçün ticarət həcmlərinə mənfi təsir göstərəcəyi vurğulanıb.

Hesabatda əmtəə qiymətlərindəki volatilliyin və geosiyasi amillərin ticarətdə qeyri-müəyyənlik yaratmağa davam edəcəyi bildirilib.

İqtisadi inkişafın yavaşlaması və Ukraynadakı müharibənin ümidləri azaltdığı vurğulanan hesabatda müharibənin beynəlxalq enerji və ilkin xammal qiymətlərinə daha çox yuxarı istiqamətdə təzyiq göstərərək beynəlxalq ticarətin hcminə mənfi təsir etdiyi qeyd edilib.

08.07.2022 08:37

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az