Bayden və Makron arasındakı neft böhranı haqqında danışıq “bəd xəbər” kimi şərh edilir

Bayden və Makron arasındakı neft böhranı haqqında danışıq “bəd xəbər” kimi şərh edilir

Bayden və Makron arasındakı neft böhranı haqqında danışıq “bəd xəbər” kimi şərh edilir

İyunun 26-28-də keçirilən G7 sammitinin son günü ABŞ prezidenti Co Bayden və Fransa prezidenti Emmanuel Makronun ayaqüstü danışmaları ilə yadda qalıb.

Marja xəbər verir ki, Bayden və Makron jurnalistlərdən bir neçə metr aralıda neft böhranı haqqında danışmağa başlayıblar. Jurnalistlərin həmin anda çəkiliş apardığını görən Baydenin milli təhlükəsizlik müşaviri Ceyk Sullivan dərhal Makronun sözünü kəsərək, "Ehtiyatlı olun, kameralar qeyd edir. Bəlkə içəridə davam etməlisiniz" deyib.

Xəbərdarlıqdan sonra liderlər danışıqlarını yarımçıq kəssələr də, Makronun bəzi sözləri aydın eşidilib.

"New York Post" qəzetində yer alan xəbərə görə, Fransa lideri Birləşmiş Ərəb Əmirlikləri lideri Şeyx Məhəmməd bin Zayed əl-Nahyan ilə apardığı danışığa toxunaraq, "Onunla telefon danışığı aparmışam. O, mənə iki şey dedi. Birincisi maksimum istehsal gücünə çatmlarıdır (hasilatı əlavə artırmaları üçün imkanları yoxdur - red). İkincisi səudiyyəlilər qiyməti bir az da qaldıra bilərlər. Onların da böyük istehsal gücü yoxdur, heç olmasa altı aylıq müddətə”, - ifadələrdən istifadə edib.

ABŞ MƏTBUATI "PƏD XƏBƏRİ" ŞƏRH EDİB

Makronun verdiyi xəbər ABŞ mətbuatında “bəd xəbər” kimi şərh edilib. Gələn ay Səudiyyə Ərəbistanına səfəri zamanı ABŞ prezidenti Co Baydenin ərəb rəsmiləri ilə görüşəcəyi və Ukraynaya müdaxilə ilə bağlı neft qiymətlərindəki artımın yumşaldılmasına kömək edəcək addımlar atacağı gözlənilirdi.

ABŞ-da artan neft qiymətləri 1981-ci ildən bəri ən yüksək inflyasiyaya səbəb olur, eyni zamanda prezident Co Baydenin etimad səsini aşağı salır.

G7 sammitində liderlərin Rusiyaya qarşı yeni sanksiyalar tətbiq edəcəyini vəd etməsindən sonra neftin qiyməti qalxıb.

Brent markalı neftin bir barelinin qiyməti 118,59 dollaradək yüksəlib.