Gəncə şəhərindəki dövlət qulluqçuları barədə bəzi məlumatlar açıqlandı

Gəncə şəhərindəki dövlət qulluqçuları barədə bəzi məlumatlar açıqlandı

Gəncə şəhərindəki dövlət qulluqçuları barədə bəzi məlumatlar açıqlandı

“Dövlət qulluğu haqqında” Azərbaycan Respublikası Qanununun qəbulundan ötən dövr ərzində dövlət qulluğu sahəsində geniş qanunvericilik bazası yaradılmış, həyata keçirilmiş islahatlar nəticəsində Azərbaycanda müasir dövlət qulluğu sistemi formalaşmış, dövlət qulluqçularının peşəkarlığının artırılması və sosial müdafiəsinin gücləndirilməsi məqsədilə zəruri addımlar atılmışdır.

VTB-də minimal faiz dərəcəsi ilə nağd kredit 10.49%-dən

Gəncə Şəhər Statistika İdarəsinin yaydığı məlumatda bildirilir ki, 2022-ci il yanvarın 1-nə Gəncə şəhərində dövlət qulluqçularının sayı 380 nəfər olmuşdur ki, onların da 123 nəfərini qadınlar təşkil edir. Dövlət qulluqçularının 1 nəfəri dövlət orqanlarında inzibati vəzifələrin ali - 3-cü təsnifatları, 4 nəfəri 4-cü təsnifatı, 48 nəfəri 5-ci təsnifatı, 11 nəfəri 6-cı təsnifatı, 253 nəfəri 7-ci təsnifatı, 63 nəfəri isə dövlət qulluğunun yardımçı vəzifələri üzrə işləmişdir.

Dövlət qulluqçularının 21 nəfəri 1 ilədək, 117 nəfəri 1 ildən 5 ilədək, 106 nəfəri 5 ildən 10 ilədək, 66 nəfəri 10 ildən 15 ilədək, 70 nəfəri isə 15 il və daha çox qulluq stajına malikdir.

Dövlət qulluqçularının 6 nəfərini 25 yaşadək, 61 nəfərini 25-29 yaşda, 94 nəfərini 30-34 yaşda, 68 nəfərini 35-39 yaşda, 46 nəfərini 40-44 yaşda, 31 nəfərini 45-49 yaşda, 21 nəfərini 50-54 yaşda, 22 nəfərini 55-59 yaşda, 29 nəfərini 60-64 yaşda, 2 nəfərini 65 və yuxarı yaşda olan şəxslər təşkil edir.

Gəncə Şəhər Statistika İdarəsinin rəhbərliyi Azərbaycan Respublikasının dövlət qulluqçularını “23 İyun Dövlət qulluqçularının Peşə bayramı münasibəti” ilə təbrik edir.

23.06.2022 15:33