İntel Avropa İttifaqından təxminən 600 milyon avro tələb edir

ABŞ-ın çip istehsalçısı Intel, Avropa İttifaqı (Aİ) Komissiyasının 13 il əvvəl tətbiq etdiyi 1 milyard avrodan çox cəriməni məhkəmənin ləğv etməsindən sonra Aİ-dən 593 milyon avro faiz tələb edir.

İntel Avropa İttifaqından təxminən 600 milyon avro tələb edir

Intel şirkəti Avropa İttifaqı Komissiyasını məhkəməyə verib.

Marja xəbər verir ki, İntel öz ərizəsində cəriməyə qarşı iddiasını qazandıqdan sonra Komissiyanın qaytardığı cərimə məbləğinin yetərli olmadığını iddia edib.

2009-cu ildə Avropa İttifaqına 1 milyard 60 milyon avro cərimə ödədiyini bildirən şirkət bu ilin yanvarında cəza ilə bağlı hüquqi prosesin onun xeyrinə yekunlaşdığını xatırladıb.

Komissiyanın əsas vəsaitə görə faiz olaraq 38 milyon avro ödədiyinə diqqət çəkən şirkət, sözügedən məbləğ üçün 3,5%-lə hesablanan faiz tələb edir.

Intel məhkəmədən sözügedən hesablama ilə Komissiyaya 593 milyon avro təzminat ödəməsini istəyib.

Avropa Komissiyası 2009-cu ildə Intel-i 1,06 milyard avro cərimələyib.

2009-cu ildə Aİ Komissiyası ABŞ-ın Intel şirkətini kompüter istehsalçılarına endirimlər tətbiq edərək bazarda rəqabətə zidd davranışlar nümayiş etdirdiyi səbəbilə 1,06 milyard avro cərimələmişdi.

Aİ-nin ən yüksək məhkəməsi olan Avropa Ədalət Məhkəməsinin strukturuna daxil olan Aİ Ümumi Məhkəməsi, bu ilin yanvarında Intel-in AB Komissiyasının tətbiq etdiyi cəriməyə qarşı qaldırdığı iddiaya qərar verib. Məhkəmə, Komissiyanın 13 il əvvəl Intel-ə 1,06 milyard avro cərimə kəsən qərarının ləğv edilməsinə qərar verib.

Avropa Ədalət Məhkəməsi ötən il ləğv edilmiş antiinhisar işlərində ödənilmiş cərimələrə görə defolt faizinin təyin edilməsinə icazə verən qərar qəbul etmişdir.

21.06.2022 08:00

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az