Avropada bahaçılığa görə etiraz aksiyası keçirildi - “Həyat çox bahadır, maaşların artırılmasını istəyirik”

Avropada bahaçılığa görə etiraz aksiyası keçirildi - “Həyat çox bahadır, maaşların artırılmasını istəyirik”

Avropada bahaçılığa görə etiraz aksiyası keçirildi - “Həyat çox bahadır, maaşların artırılmasını istəyirik”

Avropa ölkəsi Belçikanın ən böyük həmkarlar ittifaqlarının çağırışı ilə etirazçılar Brüssel Şimal Vağzalının qarşısında toplaşıblar.

Marja xəbər verir ki, vağzalın qarşısında qurulan nəhəng ekranda “Həyat çox bahadır, maaşların artırılmasını istəyirik” yazılıb.

VTB-də minimal faiz dərəcəsi ilə nağd kredit 9.9%-dən

Nümayişçilər əllərində “Maaşları artırın”, “Maaş soyğununu dayandırın” yazılmış plakatlar qaldırdılar.

Birliklərinin qırmızı, yaşıl və mavi rəngli bayraqlarını geyinən və eyni rəngdə olan etirazçılar əsas yollardan istifadə edərək bir neçə kilometr uzaqlıqdakı Cənub Dəmiryolu Vağzalına doğru yürüş ediblər.

Nümayişçilər yürüş boyu hökumət əleyhinə şüarlar səsləndiriblər. Təxminən 80 min insanın qatıldığı yürüşlə əlaqədar şəhərin mərkəzi ərazilərində nəqliyyatın hərəkəti dayandırılıb.

Aksiya iştirakçılarının ətrafında geniş təhlükəsizlik tədbirləri görülüb.

Həmkarlar ittifaqlarının çağırışı ilə ölkə boyu bir günlük tətil keçirilir. Brüssel hava limanının mühafizəçiləri də tətilə qoşulmaq qərarına gəliblər. Bu səbəbdən bu gün Brüssel hava limanından sərnişin təyyarələri qalxa bilmir.

Brüsseldə də tətil səbəbindən ictimai nəqliyyatın hərəkəti dayandırılıb. İşçilərin əksəriyyəti tətilə qatıldığı üçün metro, tramvay və avtobusların hərəkəti dayandırılıb.

Nümayişçilər son vaxtlar bahalşamanın işçilərin alıcılıq qabiliyyətini aşağı saldığına diqqət çəkərək, iş şəraitinin və maaşların yaxşılaşdırılmasını tələb edirlər.

Ölkədə inflyasiya ötən ay 8,97 faizə çatıb ki, bu da 1982-ci ildən bəri ən yüksək səviyyədir.

20.06.2022 18:34