(®) “PASHA Private Banking” filialının yenilənmiş konsepsiyası çərçivəsində Azərbaycanda ilk dəfə olaraq maliyyə qurumu daxilində müştərilər üçün ölkənin tanınmış rəssamlarının əsərlərindən ibarət sərgi təqdim olunub.

Belə ki, “Reflections” adlanan bu sərgi Samirə Səfi kurasiyası ilə “BARZA” İncəsənət Bürosu tərəfindən təşkil olunub. Burada Arif Hüseynov, Aida Mahmudova, Ramal Kazım, Niyaz Nəcəfov, Mahmud Rüstəmov, İrina Eldarova, Orxan Hüseynov, Vüqar Muradov, Orxan Qarayev, Anar Hüseynzadə kimi tanınmış azərbaycanlı rəssamların 13 rəsm əsəri və 2 heykəli sərgilənib. İncəsənət icması tərəfindən layiqincə qiymətləndirilən bu rəssamların əsərləri dəfələrlə İngiltərə, Fransa, İtaliya və digər ölkələrdə keçirilən sərgiləri bəzəyib.

“BARZA”, rəssamlara dəstəyin göstərilməsi, sənət layihələrinin təbliği, müxtəlif sərgilərin keçirilməsi, sənət əsərlərinin satışının təşkili də daxil, yaradıcılığın müxtəlif istiqamətlərində fəal surətdə çalışan bir qurumdur. Məsələn, “Reflections” sərgisi son onillikdə fəaliyyət göstərən və incəsənətin özünə münasibətdə eyni bədii mövqeyi paylaşan Azərbaycan rəssamlarının əsərlərini təqdim edir. Onların hər biri üçün sənət həyati əhəmiyyət kəsb edərək, özünü dərketmədə və kainatla münasibətdə bir vasitə rolunu oynayır.

“PASHA Private Banking” blokunun baş direktoru Aqşin Mirzəzadənin sözlərinə görə, “PAŞA Bank”, 15 illik fəaliyyəti ərzində mədəniyyət və incəsənətin inkişafına diqqət yetirməklə, ölkənin və cəmiyyətin dayanıqlı inkişafına töhfə verib.

“İri maliyyə qurumlarına və investisiya şirkətlərinə məxsus ofislərdə belə sərgilərin təşkil olunması təcrübəsi Qərbdə kifayət qədər geniş yayılıb. “PASHA Private Banking” müştəriləri üçün təşkil etdiyimiz sərgi isə Azərbaycan hüdudlarında ilk dəfə yer alıb. Əminəm ki, müştərilərimiz ən müasir bank xidmətlərindən faydalanmaq imkanı ilə yanaşı, həm də yeni ofis konseptində istedadlı rəssamlarımızın işlərindən zövq almaq və müəlliflərlə ünsiyyətdə olmaq fürsətini yüksək qiymətləndirəcək. Bundan əlavə, “PASHA Private Banking” müştərilərinə sərgidə bəyəndikləri sənət əsərlərini almaq imkanı da təqdim olunur. İnanıram ki, peşəkar komandamızın köməyi ilə bu təcrübə, müştərilərimiz arasında incəsənət nümunələrinə investisiya yatırımı üzrə ixtisaslaşan art-menecment sahəsini təbliğ etmək üçün başlanğıc nöqtəsi olacaqdır. Sərvətin idarə edilməsi və artırılması üzrə tam xidmətlər spektri ilə yanaşı, “PASHA Private Banking” komandasının təcrübəsi və biliyi müştərilərimizə həm sözügedən sahədə, həm də təklif etdiyimiz digər investisiya sahələrində düzgün prioritetlər təyin etməyə kömək edəcək”, - deyə A.Mirzəzadə bildirib.