Neft, Çinin normallaşması və "Goldman"ın proqnozlarına görə bahalaşır

Neft, Çinin normallaşması və "Goldman"ın proqnozlarına görə bahalaşır

Çində karantin tədbirlərinin yumşaldılması ilə tələbin bərpa olunacağı gözlənilir, Eyni zamanda "Goldman Sachs"ın neft qiymətləri ilə bağlı proqnozları neft bazarında qiymət artımına səbəb olub.

Neft, Çinin normallaşması və "Goldman"ın proqnozlarına görə bahalaşır

Dünyanın ən böyük neft idxalçısı olan Çində tələbin canlanacağı barədə proqnoz və "Goldman Sachs"ın yeni analizi neft bazarında qiymətlərin formalaşmasına istiqamət verib.

Marja.az xəbər verir ki, ABŞ xam neftinin qiyməti 119 dolları, Brent markalı neftin qiyməti isə 120 dolları ötüb.

"Goldman Sachs" neftlə bağlı yeni analizində, bazardakı "uçurumu" aradan qaldırmaq üçün qiymətlərdə yeni bir artım baş verməsi lazım olduğuna diqqət çəkib. Bank üçüncü rüb üçün Brent neftilə bağlı proqnozunu 140 dollara, ABŞ xam neftilə bağlı proqnozunu isə 137 dollara yüksəldib.

Çinin paytaxtı Pekinin əksər hissəsində məhdudiyyətlər ləğv edilib

Çinin paytaxtı Pekində koronavirusun Omikron variantına görə tətbiq edilən məhdudiyyətlər şəhərin əksər hissəsində ləğv edilib.

Yerli hökumətin yaydığı açıqlamada, mayın 1-dən etibarən yalnız yeməklərin satışına icazə verilən restoranların yenidən açılacağı, evdən işləyənlərin ofislərinə qayıda biləcəyi qeyd olunub.

Açıqlamada bildirilib ki, ibtidai və orta məktəblər mərhələli şəkildə ənənəvi təhsilə qayıdacaqlar.

Vətəndaşların ictimai nəqliyyat vasitələrinə və ictimai yerlərə daxil olmaq üçün son 48 saat əvəzinə son 72 saatda aparılmış Covid-19 testinin mənfi nəticəsini göstərmələri tələb olunacaq.

Əmtəələrdə yeni rekord

Bloomberg Əmtəə Spot İndeksində yeni rekor qeydə alınıb. 23 əmtəənin daxil olduğu Bloomberg Əmtəə İndeksi 1,9 faiz artaraq bütün zamanların ən yüksək səviyyəsinə çatıb. Bu il indeksdə ilin əvvəlindən bu yana görülən artım 36 faizə çatıb. Bu, son 10 ildə qeydə alınan ən sürətli artımdır.

İndeksin alt indekslərinə baxsaq, enerji qiymətlərindəki sürətli artım diqqət çəkir. Bu il enerji indeksi 92 faiz artıb. Beləliklə, 1992-ci ildən bəri ən sürətli artım bu alt indeksdə qeydə alınıb.

07.06.2022 08:40

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az